Përshkrimi

EVEREST shpk është një kompani udhëheqëse në Shqipëri dhe në rajon në prodhimin e profileve të aluminit dhe fasadave për ndërtesa, dhe po kërkon një Junior Ekonomist/e për të kontribuar në ekip në një ambient prodhimi me ritëm të lartë.

Kjo pozitë përbën një mundësi shumë të mirë për kandidatë në fillim të karrierës që synojnë të forcojnë njohuritë dhe aftësitë e tyre në ekonomi dhe financë.

Detyrat

• Menaxhon blerjet e brendshme duke mbledhur nevojat e zyrave dhe të magazinës për kancelari ose lëndë të para, duke kërkuar oferta nga furnitorët dhe duke realizuar porositë me kushtet më të favorshme të çmimit.
• Administron faturat e furnitorëve, verifikon që mallrat e pranuara të jenë sipas porosisë dhe i përgatit dokumentet për t’ia përcjellë departamentit të financës për pagesë.
• Bashkëpunon me kompanitë e transportit për organizimin e dërgesave të importit dhe eksportit dhe ndjek ecurinë e procesit deri në përmbyllje.

Kualifikimet

• Diplomë master/bachelor në degën e Ekonomisë (Financë, Administrim Biznes ose degë të ngjashme).
• Përvoja e mëhershme në këtë fushë konsiderohet përparësi.
• Aftësi të mira analitike dhe njohuri shumë të mira në përdorimin e paketës Microsoft Office, ndërsa njohja e programeve financiare vlerësohet si avantazh.
• Shkathtësi të mira komunikimi dhe vullnet për të zhvilluar më tej njohuritë profesionale.
• Njohuri të mira të gjuhës italiane (B2) dhe të gjuhës angleze.

Përfitimet

• Pagë konkurruese dhe shpërblim vjetor.
• Transport i ofruar nga kompania.
• Mundësi për zhvillim dhe avancim profesional.
• Ambient pune mbështetës dhe bashkëpunues.