Përshkrimi

EVEREST shpk është një fabrikë që prodhon profile alumini dhe fasada për ndërtesa, dhe po kërkon një Inxhinier Fonderie për t’iu bashkuar ekipit në Repartin e Fonderisë, në një mjedis prodhimi me ritëm të lartë.

Në bashkëpunim me përgjegjësin e repartit, kjo pozitë synon të drejtojë dhe përmirësojë proceset e shkrirjes dhe derdhjes së aluminit, duke siguruar cilësinë e produktit, efikasitetin në prodhim dhe respektimin e standardeve teknike dhe të sigurisë. Roli kërkon bashkëpunim të afërt me ekipet e prodhimit, cilësisë dhe mirëmbajtjes për të mbështetur përmirësimin e vazhdueshëm të proceseve.

Puna zhvillohet me turne.

Detyrat

Përgjegjësitë kryesore:

• Të planifikojë, koordinojë dhe mbikëqyrë proceset e shkrirjes dhe derdhjes së aluminit.
• Të ndjekë parametrat e procesit dhe të garantojë cilësinë e produktit përfundimtar.
• Të përmirësojë proceset me qëllim rritjen e efikasitetit dhe minimizimin e humbjeve.
• Të punojë ngushtë me departamentet e Prodhimit, Cilësisë dhe Mirëmbajtjes.
• Të zbatojë standardet teknike, rregullat e sigurisë dhe procedurat operative.
• Të analizojë problematikat teknike dhe të propozojë zgjidhje për përmirësim të vazhdueshëm.

Kualifikimet

Kualifikimet:

• Diplomë universitare në Inxhinieri Mekanike, Metalurgji, Materiale ose në fusha të përafërta.
• Përvoja e punës në fonderi ose në industrinë e aluminit konsiderohet përparësi.
• Njohuri për proceset e shkrirjes, aliazhimit dhe derdhjes së aluminit.
• Aftësi të mira analitike dhe organizative.
• Gatishmëri për të punuar në grup dhe nën presion.
• Njohuri të mira të MS Office; përvoja me programe teknike përbën avantazh.

Aftësitë:

• Shkathtësi shumë të mira në komunikim dhe bashkëpunim.
• Aftësi për të vepruar në mënyrë të pavarur, por edhe si pjesë e ekipit.
• Njohuri mbi softuerë për dizajn dhe analizë të materialeve.

Përfitimet:

• Pagë konkurruese dhe shpërblim vjetor.
• Mundësi për zhvillim profesional.
• Ambient pune dinamik dhe stimulues.