Drejtor Prodhimi

Kompania: EVEREST Automotive shpk

Përshkrimi:

• EVEREST Automotive shpk, fabrika e prodhimit të pjesëve të shasisë dhe gabinave për sektorin e automotivës, kërkon një Drejtor Prodhimi për të organizuar, drejtuar dhe kontrolluar procesin e prodhimit, duke siguruar përputhje me standardet e cilësisë, efikasitetin, respektimin e afateve dhe standardet e sigurisë.
• Pozicioni përgjegjës për planifikimin optimal të burimeve, menaxhimin e stafit dhe mirëmbajtjen e pajisjeve për një proces të pandërprerë prodhimi.

Detyrat:

Planifikimi & Organizimi

• Menaxhon dhe koordinon të gjithë aktivitetin e repartit të prodhimit.
• Harton planin ditor/javor të prodhimit bazuar në porositë dhe prioritetet.
• Së bashku me inxhinierët shpërndan detyrat e punës për çdo grup pune / operator.
• Kryen trajnimet e nevojshme për stafin e departamentit.

Mbikëqyrja e Procesit të Prodhimit

• Siguron që të gjitha fazat e prodhimit kryhen sipas standardeve.
• Kontrollon cilësinë në çdo fazë prodhimi dhe merr masa korrigjuese.
• Monitoron performancën ditore dhe eleminon vonesat teknike / operacionale.
• Kryen raporte ditore/javore/mujore dhe i raporton tek Administratori.

Menaxhimi i Stafit

• Drejton ekipet e prodhimit dhe operatorët e linjave.
• Trajnon dhe zhvillon punonjësit e repartit.
• Vlerëson performancën dhe propozon masa disiplinore/ motivuese kur është e nevojshme.

Cilësia & Siguria

• Zbaton standardet e prodhimit dhe ato të kontrollit të cilësisë.
• Siguron përdorimin e pajisjeve të sigurisë nga punonjësit.
• Raporton dhe menaxhon incidentet në repart.
• Dokumenton defektet, mbetjet dhe produktet e dëmtuara.

Kualifikimet:

• Diplomë në Inxhinieri Mekanike, Industriale, ose profil i ngjashëm.
• Minimum 5 vite eksperiencë në prodhim (preferohet në fushën e automotivës).
• Eksperiencë në drejtimin e ekipit teknik.
• Njohuri për makineritë dhe pajisjet CNC.
• Aftësi të shkëlqyera për të lexuar vizatime teknike në AutoCad.
• Njohuri në dokumentim, plane prodhimi dhe metoda optimizimi.
• Aftësi të mira analitike dhe për zgjidhje problemesh.
• Njohuri për standardet e cilësisë dhe teknologjitë e prodhimit.
• Njohuri të gjuhës angleze dhe italiane.

Përfitimet:

• Pagë konkurruese dhe shpërblim vjetor.
• Mundësi për zhvillim profesional.
• Ambient pune dinamik dhe stimulues.
• Transport i siguruar nga kompania.

Dokumentet e kërkuara:

• CV e përditësuar

Vendndodhja: Bulevardi Blu, Rruga Ankara, Kamëz.

Shënime:

• Të gjithë aplikimet do të trajtohen me konfidencialitet të plotë. Bazuar në ligjin Nr.9887, datë 10.03.2008 "Për mbrojtjen e të dhënave personale", i ndryshuar, nenet 12 - 17, të dhënat personale të depozituara për aplikim punësimi do të përdoren vetëm për këtë qëllim.