Përshkrimi

EUROLAB INTERNACIONAL GRUP është krijuar në vitin 1995 dhe renditet ndër kompanitë e para në Shqipëri në fushën e shitjes, distribuimit dhe importit të ushqimeve dhe pijeve.

Gjatë 30 viteve, kompania është shtrirë në rajon në mënyrë të vazhdueshme dhe me synime të qarta, duke u konsoliduar si një nga bashkëpunëtorët më të besuar të markave premium.

EUROLAB INTERNACIONAL GRUP, kompani udhëheqëse në import dhe distribucion në Shqipëri, ka të hapur vendin e punës për Punetor Magazine.

Përmbledhje e pozicionit

Punëtori i magazinës merret me proceset operative që përfshijnë ngarkim-shkarkimin, përgatitjen e porosive, sistemimin e mallrave në qeliza, paketimin dhe kujdesin për pajisjet e punës. Ky rol ka për qëllim që aktivitetet e magazinës të kryhen me efikasitet dhe në përputhje me standardet e sigurisë dhe procedurat e kompanisë.

Detyrat

Përgjegjësitë kryesore

• Merret me ngarkimin dhe shkarkimin e automjeteve, pranimin e porosive, përpunimin e fletë-ngarkesave, kontrollin, paketimin dhe etiketimin e produkteve.
• Vendos në platformën e ngarkimit produktet e përgatitura, duke ndjekur udhëzimet e departamentit të logjistikës.
• Sistemon produktet e ardhura në vendet përkatëse të magazinës sipas emërtimit, barkodit dhe datës së skadencës.
• Kryen verifikime për mirëmbajtjen e transpaletave elektrike dhe atyre manuale, me synim shmangien e defekteve.
• Zbaton procedurat standarde operacionale (SOP) dhe rregullat e Shëndetit dhe Sigurisë në Punë gjatë ushtrimit të detyrës.
• Përgatit produktet për dërgesë duke mbledhur ambalazhet, kutitë dhe etiketat, si edhe organizon materialet promocionale kur ka nevojë.
• Ndihmon departamentin edhe në detyra të tjera operative për të garantuar vazhdimësinë dhe efikasitetin e proceseve.

Kualifikimet

Kualifikimet dhe kërkesat

• Kërkohet të paktën 2 vite përvojë pune në magazinë ose në role të ngjashme.
• Nevojiten aftësi të mira në komunikim dhe bashkëpunim.
• Kërkohet aftësi për punë në grup dhe orientim i qartë drejt rezultateve.
• Preferohen kandidatë me moshë deri në 35 vjeç.

Kompetencat dhe aftësitë e kërkuara

• Punon në mënyrë të pavarur – tregon përgjegjshmëri, besueshmëri dhe aftësi për të menaxhuar detyrat.
• Mendon për biznesin – ka qasje të orientuar nga cilësia dhe korrektësia në punë.
• Orientohet drejt rezultatit – siguron dorëzimin e porosive me saktësi dhe brenda afatit.
• Ruan konfidencialitetin – mbron dhe ruan informacionin e brendshëm të kompanisë.