Përshkrimi

EUROLAB INTERNATIONAL GRUP është ndër kompanitë e para në sektorin e shitjes, shpërndarjes dhe importit të produkteve ushqimore dhe të pijeve në Shqipëri.

Eurolab Internacional kërkon të angazhojë një "Brand Manager".

Brand Manager ka përgjegjësinë të përdorë hulumtimet mbi konsumatorët dhe trendet për të hartuar strategji që ndikojnë në mënyrën si perceptohet marka, me qëllim mbështetjen e rritjes së shëndetshme të saj dhe arritjen e objektivave për OCC (Operating Company Contribution), volumet dhe shpërndarjen e Eurolab. Kjo pozitë vepron sipas udhëzimeve të menaxherit të linjës (Category Manager), pronarëve të markave (furnitorët e Eurolab) dhe strategjisë së kompanisë. Roli mund të përfshijë mbikëqyrjen e reklamimit, dizajnit dhe eventeve.

Njëkohësisht, Brand Manager kujdeset që identiteti i markës të mbetet i njëtrajtshëm në të gjitha reklamat dhe fushatat. Roli synon që marka të jetë gjithmonë e dallueshme, aktuale dhe tërheqëse për klientët, duke planifikuar mënyra për promovimin e saj dhe përmirësimin e perceptimit publik për markat përkatëse.

Detyrat

Brand Manager i raporton Category Manager dhe ka përgjegjësi të realizojë, pa u kufizuar vetëm në, detyrat e mëposhtme:

• Arritja e objektivave. Brand Manager mbështet realizimin e dy objektivave kryesore të kompanisë për markat e caktuara: synimet sasiore (volumet / të ardhurat) dhe imazhin e markave në ngarkim. Për këtë, siguron përdorimin sa më efikas të investimeve dhe aktiviteteve në bashkëpunim me ekipet e shitjes dhe marketingut/TM.
• Kërkim dhe analizë tregu. Brand Manager duhet të ketë njohuri të detajuara për tregjet e kompanisë lidhur me markat e caktuara: P&L, shitjet, shpërndarjen, kanalet, segmentimin e tregut, rajonet, konkurrentët dhe kërkesat apo nevojat e klientëve. Këto të dhëna analizohen për të reaguar në kohë me aktivitete dhe për të mbështetur planifikimin dhe zbatimin e fushatave përkatëse nga kolegët e marketingut dhe shitjes, me synim rritjen e imazhit dhe shitjeve të markave në tregjet përkatëse. Vizitat në terren realizohen çdo tremujor.
• Planifikimi vjetor. Brand Manager mbështet CM në përgatitjen e strategjisë dhe planifikimit vjetor për markën e caktuar në të gjitha tregjet e EIG, në bashkëpunim me menaxherët përkatës të kompanisë nga shitja, marketingu, supply chain, financa dhe operacionet. Strategjitë dhe planet hartohen sipas udhëzimeve të CM dhe kërkesave të furnitorëve, jo më vonë se muaji Dhjetor i çdo viti. Po ashtu, siguron që këto strategji dhe plane t’u komunikohen departamenteve përkatëse dhe të kuptohen prej tyre.
• Mbështetja e fushatave të marketingut. Brand Manager koordinon procesin e përgatitjes së aktiviteteve për zbatimin e strategjisë dhe planeve vjetore të miratuara. Gjithashtu, kontrollon zbatimin e fushatave dhe aktiviteteve të marketingut për markën në përgjegjësi dhe udhëzon ekipin për të ndjekur aktivitetet e fushatat në terren, me qëllim arritjen e efikasitetit maksimal dhe përmirësimin e tyre kur kërkohet.
• KPI-të/ROI i projekteve. Brand Manager vlerëson suksesin e fushatave të marketingut, përfshirë arritjen e KPI-ve dhe ROI, jo më vonë se 30 ditë pas aktivitetit, dhe propozon përmirësime për aktivitetet e ardhshme. Gjetjet dhe propozimet u paraqiten kolegëve përkatës.
• Buxheti i markës. Brand Manager mban përgjegjësi të plotë për planifikimin, menaxhimin dhe respektimin e buxhetit të caktuar, në përputhje me procedurat e kompanisë. Po ashtu, duhet të përgatisë dhe mbajë të përditësuar një raport të detajuar mujor të buxhetit, jo më vonë se data 10 e çdo muaji.
• Imazhi i markës. Në bashkërendim me CM, Brand Manager përgatit dhe dorëzon te ekipet e shitjes dhe marketingut udhëzimet, si edhe storytelling për markat e caktuara. Gjithashtu, siguron që POSM të përgatitet sipas udhëzimeve të markës dhe mbikëqyr zbatimin e tij.
• Raportet përgatiten sipas marrëveshjeve dhe nevojave të Eurolab dhe furnitorëve përkatës, së bashku me analizën përkatëse. Ato dorëzohen brenda afateve të dakorduara tek personat e përcaktuar me CM.
• Detyra të tjera dhe aktivitete të tjera sipas procedurës P.8.3 Brand Development & Marketing, brenda kuadrit ligjor dhe Rregullores së Brendshme të Eurolab.

Kualifikimet

• Arsimi: Diplomë universitare ose ekuivalente në Economics/Marketing ose fusha të ngjashme
• Përvoja e punës: minimumi 3 vite përvojë në zhvillim marke, shitje, shpërndarje dhe marketing. Kërkohen gjithashtu të paktën 2 vite përvojë menaxheriale në brand & marketing.
• Gjuhët, aftësitë kompjuterike dhe aftësi të tjera: njohuri shumë të mira të gjuhës angleze, ndërsa italishtja përbën përparësi; njohuri në MS Office; aftësi të dëshmuara në menaxhimin dhe udhëheqjen e ekipeve, si edhe në ndërtimin e bashkëpunimit ekipor

Kompetencat

• Të kuptojë biznesin dhe të synojë cilësinë
• Të motivojë njerëzit dhe të komunikojë hapur
• Të nxisë rezultate dhe të zbatojë detyrat me standard të lartë
• Aftësi shumë të mira analitike dhe komunikuese (anglishtja kërkohet për komunikim me të gjitha tregjet)
• Njohuri në Customer Marketing Knowledge (on & off premise skills)