Për këtë rol, agjenti i shitjeve ka një funksion të rëndësishëm në ofrimin e një eksperience shumë të mirë për klientët dhe në rritjen e të ardhurave të kompanisë. Kjo pozitë shërben si pika kryesore e kontaktit mes kompanisë dhe klientëve, duke ofruar shërbim cilësor në përputhje me standardet më të mira të kompanisë dhe të tregut.

Detyrat

• Realizimi i objektivave të shitjes: Përmbush objektivat e shitjes në zonën e caktuar, sipas itinerarit të lëvizjes.
• Prania dhe dukshmëria e produktit në treg: Siguron që produkti të vendoset në pozicionin e duhur dhe në përputhje me standardet e përcaktuara nga punëdhënësi.
• Menaxhimi i stokut: Verifikon gjendjen e stokut të produktit në pikat e shitjes.
• Ruajtja e cilësisë së produktit: Kujdeset për cilësinë e produktit dhe parandalon skadimin e tij përmes rotacionit efikas të stokut, duke zbatuar teknikat e duhura të shitjes dhe menaxhimit të stokut.
• POSM / aktivitete: Siguron vendosjen e materialeve promocionale në pikat e shitjes.
• Zhvillimi i tregut: Njeh në detaje zonën dhe pikat e shitjes që mbulon, përcjell zhvillimet e tregut dhe njofton menaxherin për çdo ndryshim. Mban bashkëpunim të vazhdueshëm dhe shkëmbim informacioni me Supervizorin e zonës.
• Çmimet e konsumit: Vëzhgon çmimet e konsumit në zonën përkatëse dhe i raporton tek menaxheri.
• Marrëdhëniet me klientët: Mirëmban rrjetin ekzistues të klientëve dhe identifikon klientë të rinj potencialë.
• Prezantimi i produkteve: I prezanton produktet në mënyrë profesionale tek klientët e zonës që mbulon, merr porosi nga klientët aktualë dhe identifikon mundësi për klientë të rinj. Analizon nevojat e klientëve dhe propozon zgjidhje për t'i përmbushur ato.
• Monitorimi i procesit të porosive: Ndjek ecurinë e porosive dhe bashkëpunon ngushtë me departamentet përgjegjëse deri në dorëzimin e tyre tek klienti.
• Pasuritë e ndërmarrjes: Administron me kujdes asetet e kompanisë që përdoren për realizimin e detyrës dhe mban përgjegjësi për mirëmbajtjen e aseteve të kompanisë në treg, si frigoriferë, aparate birre dhe pajisje të tjera të ngjashme.
• Zbaton procedurat në fuqi dhe rregulloren e brendshme të kompanisë. Njeh dhe respekton Rregulloren e Brendshme të shoqërisë, si edhe udhëzimet, vendimet dhe urdhrat që burojnë prej saj, duke zbatuar gjithashtu Kodin Etik të shoqërisë.
• Raportimi: Informon Supervizorin e shitjeve për ecurinë e punës dhe për çështjet apo vështirësitë e hasura gjatë saj.

Kualifikimet

• Diplomë e Shkollës së Lartë në Ekonomik, Administrim Biznesi ose në fusha të tjera të ngjashme.
• Aftësi për të promovuar produkte beauty në mënyrë profesionale.
• Të paktën 3 vjet përvojë në shitje në industrinë FMCG.
• Kuptim i mirë i procesit të shitjes dhe i dinamikës së saj.
• Përkushtim ndaj ofrimit të shërbimit të shkëlqyer për klientin.
• Njohuri të mira të paketës Microsoft Office.
• Njohja e një gjuhe të huaj, me përparësi anglishtja.
• Leje drejtimi e kategorisë B.
• Aftësi shumë të mira komunikimi verbal dhe me shkrim.
• Aftësi shumë të mira në negocim.

Kompetencat dhe aftësitë e kërkuara

• Komunikimi: Zotëron aftësi shumë të mira në komunikimin verbal dhe me shkrim.
• Negocimi: Ka aftësi të avancuara negociuese.
• Planifikues efektiv: Organizon dhe planifikon punën në mënyrë efikase.
• Punon në mënyrë të pavarur: Është i përgjegjshëm, i besueshëm dhe i aftë të punojë në mënyrë të pavarur.
• Menaxhimi i kohës: Di të organizojë kohën dhe të zbatojë planin ditor sipas planifikimit.
• Dëgjues aktiv: Tregon vëmendje të lartë ndaj kërkesave të klientit dhe i dëgjon ato me kujdes.
• Mendon për biznesin: Synon punë cilësore dhe përfaqësim sa më të mirë të kompanisë.
• Ka rezultat: Arrin objektivat e përcaktuara.
• Ruan konfidencialitetin: Mbron konfidencialitetin e informacionit të marrë gjatë gjithë periudhës së punësimit.