Përshkrimi

Agjenti i shitjeve ka një rol thelbësor në ofrimin e një eksperience shumë të mirë për klientët dhe në rritjen e të hyrave të kompanisë. Kjo pozitë shërben si pika kryesore e lidhjes mes kompanisë dhe klientëve, duke ofruar shërbim cilësor në përputhje me standardet më të mira të kompanisë dhe të tregut.

Detyrat

• Arritja e Targetit të Shitjes: Përmbush objektivat e shitjes në zonën e caktuar, sipas itinerarit të lëvizjes.
• Prezenca e produktit në treg dhe vizibiliteti: Siguron që produkti të vendoset në pozicionin e duhur dhe në përputhje me standardet e përcaktuara nga punëdhënësi.
• Menaxhimi i Stokut: Verifikon gjendjen e stokut të produktit në pikat e shitjes.
• Ruajtja e cilësisë së produktit: Kujdeset për cilësinë e produktit dhe parandalon skadimin përmes rotacionit efikas të stokut, duke zbatuar teknikat përkatëse të shitjes dhe menaxhimit të stokut.
• POSM / aktivitete: Siguron vendosjen e materialeve promovuese në pikën e shitjes.
• Zhvillimi i tregut: Njeh në detaje zonën që mbulon dhe pikat e shitjes, përcjell zhvillimet e tregut dhe njofton menaxherin për çdo ndryshim. Bashkëpunon rregullisht me Supervizorin e zonës dhe shkëmben informacion në vazhdimësi.
• Çmimet e konsumit: Vëzhgon çmimet e konsumit në zonën përkatëse dhe i raporton menaxherit.
• Marrëdhëniet me klientët: Mirëmban marrëdhëniet me klientët ekzistues dhe identifikon klientë të rinj potencialë.
• Prezantimi i produkteve: I prezanton produktet në mënyrë profesionale tek klientët e zonës që mbulon, merr porosi nga klientët aktualë dhe identifikon klientë të rinj. Analizon nevojat e klientëve dhe propozon zgjidhje për përmbushjen e tyre.
• Monitoron proçesin e porosive: Ndjek ecurinë e porosive dhe bashkëpunon ngushtë me departamentet përgjegjëse deri në dorëzimin e tyre te klienti.
• Pasuritë e ndërmarrjes: Administron me kujdes asetet e kompanisë që përdor gjatë punës. Është përgjegjës për mirëmbajtjen dhe ruajtjen e aseteve të kompanisë në treg, si frigoriferë, aparate birre dhe pajisje të tjera të ngjashme.
• Zbaton procedurat në fuqi dhe respekton rregulloren e brendshme të kompanisë. Njeh dhe zbaton Rregulloren e Brendshme të shoqërisë, si edhe udhëzimet, vendimet dhe urdhrat që burojnë prej saj, si dhe Kodin Etik të shoqërisë.
• Raportimi: I raporton Supervizorit të shitjeve për ecurinë e punës dhe çështjet e hasura gjatë saj.

Kualifikimet

• Diplomë e Shkollës së Lartë në Ekonomik, Administrim Biznesi ose në fusha të ngjashme.
• Të paktën 3 vjet përvojë në shitje në industrinë FMCG.
• Njohje të mira të procesit të shitjes dhe të dinamikës së saj.
• Përkushtim ndaj ofrimit të shërbimit të shkëlqyer për klientët.
• Njohuri të mira të paketës Microsoft Office.
• Njohja e një gjuhe të huaj është e preferueshme, veçanërisht anglishtja.
• Leje drejtimi e kategorisë B.
• Aftësi shumë të mira komunikimi verbal dhe me shkrim.
• Aftësi shumë të mira në negocim.

Kompetencat dhe aftësitë e kërkuara

• Komunikimi: Zotëron aftësi shumë të mira në komunikim verbal dhe të shkruar.
• Negocimi: Ka aftësi shumë të mira negocimi.
• Planifikues efektiv: Organizon dhe planifikon punën në mënyrë efikase.
• Punon në mënyrë të pavarur : Është i përgjegjshëm, i besueshëm dhe punon në mënyrë të pavarur.
• Menaxhimi i kohës: Menaxhon mirë kohën dhe realizon planin ditor sipas planifikimit.
• Dëgjues aktiv: Dëgjon me vëmendje kërkesat e klientëve.
• Mendon për biznesin: Synon punë cilësore dhe përfaqësim sa më të mirë të kompanisë.
• Ka rezultat: Arrin objektivat e vendosura.
• Ruan konfidencialitetin: Mbron konfidencialitetin e informacionit që i besohet gjatë gjithë periudhës së punësimit.