Po kërkon të jesh personi që ndërton një ekip tregtimi nga zero?

Si Head of Trading në Tiranë, do të ngresh strukturën, strategjinë dhe ekipin që drejton aktivitetin tregtar të kompanisë — një mundësi e rrallë për një lider që do hapësirë reale për të lënë gjurmë. Çdo ditë do të marrësh vendime strategjike, do të zhvillosh procese dhe do të rekrutosh talente që formësojnë të ardhmen e biznesit.

Roli kërkon ekspertizë të thellë në tregjet financiare dhe aftësi të forta lidershipi për të udhëhequr një funksion kyç në fazat e tij të para. Do të punosh në një ambient ku iniciativa jote ka peshë reale dhe ku rezultatet jote masin drejtpërdrejt suksesin e kompanisë.

Është mundësi e shkëlqyer për një profesionist me përvojë që kërkon sfidën e ndërtimit, jo vetëm të menaxhimit.

Përgjegjësitë kryesore:

• Ndërtimi nga zero i një funksioni/ndarjeje të fokusuar në operacione tregu dhe asete;
• Përcaktimi i modelit të biznesit, strategjisë dhe produkteve;
• Hartimi i planeve financiare, buxheteve dhe menaxhimi i performancës (P&L);
• Koordinimi i proceseve të licencimit dhe sigurimi i përputhshmërisë me kërkesat rregullatore;
• Përzgjedhja dhe menaxhimi i partnerëve dhe furnitorëve të teknologjisë;
• Ndërtimi i infrastrukturës teknologjike dhe proceseve operacionale (ekzekutim, shlyerje, raportim);
• Vendosja e kuadrit të riskut, pajtueshmërisë dhe qeverisjes;
• Bashkëpunim ndër-funksional dhe ndërtimi i një ekipi të suksesshëm.

Kërkesat për këtë pozicion janë:

• Përvojë e maturuar në operacione tregu, asete ose mjedise të ngjashme komplekse;
• Eksperiencë në ndërtimin dhe zgjerimin e aktiviteteve, përfshirë bashkëpunimin me rregullatorë dhe procese licencimi;
• Njohuri të forta mbi tregjet, likuiditetin, strukturën e tregut dhe ekosistemin e aseteve/teknologjisë përkatëse;
• Aftësi në ndërtimin e proceseve operacionale dhe menaxhimin e furnitorëve/partnerëve teknologjikë;
• Kuptim i mirë i riskut, pajtueshmërisë dhe qeverisjes;
• Aftësi të forta komerciale, komunikimi dhe menaxhimi stakeholder-ash;
• Mendësi sipërmarrëse dhe aftësi për të operuar në mjedise dinamike.