Inxhinieri Elektrik – Menaxher Projekti

Kompania: ENPI shpk
Departamenti: Projekte – Infrastrukturë Energjetike
Raporton tek: Drejtori Ekzekutiv

Qëllimi i Pozicionit:
Inxhinieri Elektrik – Menaxher Projekti është përgjegjës për planifikimin, drejtimin dhe mbikëqyrjen e projekteve të linjave të transmetimit dhe shpërndarjes së energjisë elektrike (T&D), duke kombinuar ekspertizën teknike me menaxhimin e strukturuar të projekteve.
Roli siguron realizimin e objektivave teknike, financiare dhe operacionale nga faza e tenderimit deri në dorëzimin final të projektit, në përputhje me standardet ndërkombëtare dhe kushtet kontraktuale (përfshirë praktikat e zakonshme ndërkombëtare si FIDIC, kur aplikohen).
Pozicioni përfaqëson kompaninë përballë klientëve, autoriteteve dhe partnerëve ndërkombëtarë.

Detyrat:

Menaxhim Projekti & Teknik

• Drejton të gjitha fazat e projektit: tenderim, planifikim, projektim, prokurim, ndërtim, testim, komisionim dhe dorëzim.
• Siguron realizimin e projekteve sipas afateve, buxhetit dhe specifikimeve teknike.
• Harton dhe monitoron planin e projektit, duke identifikuar dhe menaxhuar rreziqet.
• Mbikëqyr cilësinë teknike të punimeve në terren.

Projektim & Analizë Teknike

• Rishikon dhe miraton projektet elektrike për linja transmetimi dhe shpërndarjeje.
• Analizon llogaritjet elektrike dhe dimensionimin e pajisjeve.
• Siguron përputhje me standardet IEC, EN dhe praktikat më të mira ndërkombëtare.
• Mbështet proceset e tenderimit me analiza teknike dhe dokumentacion përkatës.

Administrim Kontratash

• Monitoron zbatimin e kushteve kontraktuale gjatë gjithë ciklit të projektit.
• Ndjek variacionet, ndryshimet, shtesat e afateve/kostove dhe pretendimet eventuale.
• Bashkëpunon me konsulentë teknikë dhe ligjorë kur kërkohet.

Menaxhim Financiar

• Monitoron buxhetin dhe kontrollon kostot e projektit.
• Siguron përdorim efikas të burimeve.
• Ndjek faturimet dhe raporton devijimet financiare.

Koordinim & Komunikim

• Koordinon inxhinierët, supervizorët dhe nënkontraktorët.
• Përgatit raporte periodike mbi progresin teknik dhe financiar.
• Siguron komunikim profesional me klientët dhe partnerët.

Siguri & Standarde

• Siguron zbatimin rigoroz të politikave dhe procedurave të Shëndetit, Sigurisë dhe Mjedisit (HSE) në të gjitha fazat e projektit.
• Garantion përputhje të plotë me legjislacionin kombëtar, rregulloret e sigurisë në punë dhe kërkesat e klientit.
• Monitoron dhe verifikon zbatimin e planeve të sigurisë në kantier (Method Statements, Risk Assessments).
• Identifikon rreziqe potenciale për sigurinë dhe propozon masa parandaluese dhe korrigjuese.
• Siguron që të gjitha punimet të realizohen sipas standardeve ndërkombëtare të ndërtimit dhe energjisë (IEC, EN, praktika ISO).
• Realizon auditime, inspektime dhe trajnime të stafit.

Kualifikimet:

Arsimimi

• Diplomë universitare (preferohet Master) në Inxhinieri Elektrike.
• Certifikime ndërkombëtare përbëjnë avantazh.

Eksperienca

• Minimum 7 vite eksperiencë në projekte të infrastrukturës energjetike (T&D).
• Eksperiencë në administrimin e kontratave ndërkombëtare përbën avantazh.
• Përvojë në projekte të mëdha ose bashkëpunime ndërkombëtare.

Aftësi & Kompetenca

• Njohuri të thella teknike në sisteme energjetike dhe linja T&D.
• Aftësi analitike dhe organizative shumë të mira.
• Aftësi menaxheriale dhe negociuese.
• Aftësi për të punuar nën presion dhe për të menaxhuar projekte komplekse.
• Njohuri në AutoCAD, ETAP, DIgSILENT ose programe të ngjashme.

Dokumentet e kërkuara:

• CV

Shënime:

• Web: www.enpi.al