Shoqëria “Zita” SHPK, pjesë e Globe Group, është në kërkim të një kandidati për pozicionin:

Specialiste prane Departamentit Juridik

Detyrat

Përgjegjësitë kryesore

• Administron, sistemon, ruan dhe arkivon dokumentacionin juridik të shoqërisë.
• Mbikëqyr afatet ligjore dhe administrative që lidhen me çështje të ndryshme të kompanisë.
• Harton kontrata, marrëveshje dhe akte të tjera juridike në përputhje me udhëzimet e juristit ose të drejtuesit.
• Verifikon vlefshmërinë e kontratave dhe të dokumenteve të tjera juridike, si edhe sinjalizon nevojën për rinovim ose afatet përkatëse.
• Bashkërendon grumbullimin dhe përgatitjen e dokumenteve të domosdoshme për procedurat gjyqësore.
• Ndjek procedurat për licencime dhe pajisjen me lejet e kërkuara për zhvillimin e aktivitetit të shoqërisë.
• Kryen hulumtime dhe vlerësime mbi legjislacionin në fuqi dhe informon për ndryshimet ligjore që prekin veprimtarinë e kompanisë.
• Mban koordinim me noterë, përmbarues, avokatë dhe institucione të tjera publike.
• Ofron mbështetje në regjistrimin, ndryshimin dhe përditësimin e të dhënave të shoqërisë pranë institucioneve përgjegjëse.
• Përgatit dhe menaxhon korrespondencën me institucionet shtetërore, partnerët dhe palë të tjera.
• Punon ngushtë me departamentet e tjera për të garantuar që aktiviteti i shoqërisë të jetë në përputhje me legjislacionin në fuqi.

Kualifikimet

Aftësitë dhe kompetencat

• Të zotërojë njohuri shumë të mira mbi legjislacionin e punës, tregtar, civil etj.
• Të ketë aftësi të forta në shqyrtimin dhe përgatitjen e dokumentacionit juridik.
• Të dallojë për aftësi shumë të mira komunikimi dhe bashkëpunimi.
• Të posedojë aftësi të mira analitike dhe vendimmarrëse, si edhe kapacitet për zgjidhjen e problematikave të ndryshme.
• Të ketë aftësi të mira organizative dhe në administrimin e kohës së punës.
• Të karakterizohet nga ndershmëria, integriteti, konfidencialiteti dhe korrektësia.
• Të ketë njohuri shumë të mira të paketës Microsoft Office.

Kualifikimet

• Të ketë përfunduar studimet e larta në Fakultetin e Drejtësisë.
• Të ketë më shumë se 2 vite përvojë pune në një rol të ngjashëm.
• Të ketë njohuri të mira të gjuhës angleze.