Përshkrimi

EGS - Engineering Global Solution është një kompani që vepron në fushat e elektromekanikës dhe ndërtimit. Aktiviteti i saj përfshin projektimin, zbatimin dhe realizimin e punimeve elektromekanike, si sisteme hidraulike, sisteme elektrike, sisteme ngrohje-ftohje, sisteme kondicionimi, si edhe punime ndërtimi në dizenjim, projektim dhe zbatim.

Shoqëria “Engineering Global Solution”, pjesë e Globe Group, po kërkon të angazhojë një Menaxhere Zyre-Sektori Fotovoltaik.

Detyrat

• Të sigurojë mbledhjen e informacionit të nevojshëm dhe të mbajë komunikim të vazhdueshëm me klientët.
• Të koordinojë, drejtojë dhe ndjekë ecurinë e punëve që lidhen me projektin.
• Të hartojë dhe propozojë ofertën ekonomike.
• Të mbikëqyrë ekipet e punës që operojnë në terren.
• Të kryejë raportime periodike pranë eprorit.
• Të respektojë etikën profesionale, kulturën organizative dhe vlerat e kompanisë.

Kualifikimet

Kualifikimet / Kërkesat:

• Të ketë përfunduar studimet e larta; përbën avantazh diplomimi në një nga degët e fakultetit Ekonomik, si Administrim dhe Menaxhim Biznesi.
• Të ketë jo më pak se 2 vite përvojë të mëparshme pune.
• Të njohë mjedisin e biznesit dhe të zotërojë njohuri të mira mbi praktikat dhe parimet e tij.
• Të ketë njohuri shumë të mira të Gjuhës angleze.

Aftësi dhe kompetencat:

• Të ketë mendim kritik dhe prirje për zgjidhjen e problemeve.
• Të zotërojë aftësi shumë të mira komunikimi, si në të folur ashtu edhe me shkrim.
• Të bashkëpunojë në mënyrë profesionale me stafin dhe klientët.
• Të jetë në gjendje të punojë në mënyrë të pavarur dhe njëkohësisht në ekip.
• Të tregojë korrektësi dhe përgjegjësi në përmbushjen e detyrave të ngarkuara.

Adresa: “Autostrada Tiranë-Durrës, Km 11, Godina "Hybrid", Kati 0, Kashar” (ish – Godina Emigres).