Përshkrimi

EGS - Engineering Global Solution është një shoqëri që vepron në fushën e elektromekanikës dhe të ndërtimit. Aktiviteti i saj përfshin projektimin dhe zbatimin e punimeve elektromekanike, si sistemet hidraulike, elektrike, të ngrohje-ftohjes dhe të kondicionimit, si edhe procese të ndërtimit që lidhen me dizenjimin, projektimin dhe realizimin. Në kuadër të Globe Group, kompania është në kërkim të një Inxhinier Ndërtimi.

Detyrat

• Verifikon që punimet të realizohen në përputhje me projektin, preventivin, specifikimet teknike, KTZ dhe kërkesat për sigurinë, shëndetin dhe jetën në punë.
• Përpilon dhe ndjek grafikun e punimeve sipas projektit dhe planit të organizimit.
• Mbikëqyr grafikun e realizimit të punimeve për të garantuar vazhdimësinë normale të tyre.
• Monitoron kompanitë nënkontraktore dhe sigurohet që të plotësohen të gjitha kërkesat ligjore për sigurimin teknik në kantier.
• Kontrollon cilësinë e lëndëve të para që furnitorë të ndryshëm sjellin në kantier.
• Ofron zgjidhje teknike për problematikat që mund të shfaqen gjatë zhvillimit të punimeve.
• Garantion që cilësia e punimeve të jetë sipas standardeve të kërkuara, duke mbikëqyrur dhe kontrolluar ecurinë në të gjitha kantieret.
• Harton raporte periodike për progresin e projekteve.
• Drejton dhe monitoron ekipet e punës ose individët që janë të angazhuar në kantier.
• Menaxhon dhe mbikëqyr zbatimin e detyrave nga vartësit.
• Informon eprorin për ecurinë e punimeve të realizuara nga grupet e punës.

Kualifikimet

Kërkesat e vendit të punës:

• Të ketë përfunduar studimet në Inxhinieri Ndërtimi.
• Përvoja e punës në kompani ndërtimi konsiderohet përparësi.
• Të zotërojë dhe të përdorë në nivel shumë të mirë AutoCAD dhe paketën Microsoft Office.
• Të ketë njohuri të mira mbi dokumentacionin Tekniko –Ligjor.
• Të jetë në gjendje të përgatisë libreza masash, të zbërthejë projekte, të hartojë preventiva, të nxjerrë volumet dhe të përpilojë situacionet mujore.
• Të ketë aftësi analitike dhe menaxhim të mirë të kohës së punës.

Kërkesa të veçanta për kandidatët:

• Të ketë aftësi të mira komunikimi.
• Të zotërojë shkathtësi të mira organizative dhe komunikuese.
• Të jetë në gjendje të udhëheqë dhe të motivojë të tjerët.
• Të jetë i/e përqendruar te detajet dhe këmbëngulës/e.
• Të punojë mirë në grup.
• Të përballojë punën nën stres dhe në situata emergjente.