Përshkrimi

Qëllimi i Pozicionit

Ky rol synon të garantojë administrim të rregullt dhe efikas të proceseve të burimeve njerëzore, respektim të kërkesave ligjore në veprimtarinë e kompanisë, si edhe menaxhim të saktë të dokumentacionit dhe procedurave administrative, në përputhje me legjislacionin në fuqi dhe rregullat e brendshme të kompanisë.

Detyrat

Burime Njerëzore (HR)

• Udhëheq procesin e rekrutimit, përzgjedhjes dhe përshtatjes së punonjësve të rinj në kompani.
• Harton dhe administron kontratat e punës, anekset si dhe dokumentet përkatëse.
• Mirëmban dhe përditëson dosjet individuale të stafit.
• Mbikëqyr dhe administron lejet vjetore, mungesat, orarin e punës dhe dokumentacionin që lidhet me to.
• Përgatit dhe zbaton politika, procedura dhe rregullore të brendshme të kompanisë.
• Mbështet procesin e vlerësimit të performancës dhe avancimit profesional të punonjësve.
• Jep këshillim për çështje që lidhen me marrëdhëniet e punës dhe legjislacionin përkatës.

Juridike

• Kujdeset që aktiviteti i kompanisë të zhvillohet në pajtim me legjislacionin në fuqi.
• Përgatit, analizon dhe negocion kontrata, marrëveshje dhe dokumente të tjera me karakter juridik.
• Jep mendime dhe këshilla juridike për departamentet e kompanisë.
• Ndjek procedurat administrative, gjyqësore ose institucionale sa herë që paraqitet nevoja.
• Përgatit dokumentacionin e nevojshëm për komunikim me institucionet shtetërore dhe autoritetet përkatëse.
• Monitoron ndryshimet në legjislacion dhe njofton menaxhmentin për ndikimin e tyre në aktivitetin e kompanisë.
• Administron dhe arkivon dokumentacionin juridik të organizatës.

Administratë

• Administron korrespondencën zyrtare hyrëse dhe dalëse.
• Harton raporte, shkresa, vendime, proceseverbale dhe dokumente të tjera administrative.
• Organizon dhe mirëmban arkivën fizike dhe elektronike të dokumenteve.
• Koordinon komunikimin me institucionet publike, partnerët dhe furnitorët.
• Mbështet organizimin e mbledhjeve, trajnimeve dhe aktiviteteve të kompanisë.
• Siguron që dokumentacioni i brendshëm të administrohet saktë sipas procedurave të kompanisë.
• Kryen edhe detyra të tjera administrative sipas kërkesave të eprorëve.

Kualifikimet

• Të ketë diplomë universitare në Drejtësi, Menaxhim Burimesh Njerëzore, Administrim Biznesi ose në një fushë të ngjashme.
• Të ketë përvojë pune në burime njerëzore, juridik ose administratë.
• Të zotërojë njohuri të mira të legjislacionit të punës dhe atij tregtar.
• Të ketë aftësi të mira organizative, analitike dhe komunikuese.
• Të jetë i/e aftë të punojë me dokumentacion konfidencial dhe të respektojë afatet.
• Të ketë njohuri të mira të paketës Microsoft Office.
• Njohja e gjuhës angleze konsiderohet përparësi.

Kompetencat Kryesore

• Integritet dhe etikë profesionale.
• Ruajtje e lartë e konfidencialitetit.
• Aftësi për zgjidhje problemesh.
• Menaxhim i mirë i kohës dhe i prioriteteve.
• Aftësi për bashkëpunim në ekip, por edhe për punë të pavarur.
• Vëmendje ndaj detajeve dhe saktësi në trajtimin e dokumentacionit.

Raporon te: Administratori i Shoqërisë.

Lloji i punësimit: Me kohë të plotë.

Vendndodhja: Në përputhje me strukturën organizative të kompanisë.