Kjo shpallje ka skaduar dhe nuk pranon më aplikime.
Terapist i Gjuhës dhe të Folurit - Logoped/e
Shendetesi & MedicinePrishtinë1 muaj më parëFull Time
Konkurs
Shoqata Down Syndrome Kosova – Qendra në Prishtinë, në kuadër të Programit të Intervenimit dhe Edukimit të Hershëm, ka hapur konkurs për dy (2) vende të lira pune për pozitën Terapist i gjuhës dhe të folurit-logoped/e.
Përshkrimi i organizatës
Shoqata Down Syndrome Kosova është një organizatë joqeveritare e krijuar në vitin 2007 nga prindër të personave me sindromën Down. Misioni i saj është promovimi, respektimi dhe mbrojtja e të drejtave të personave me sindromën Down në Kosovë, si dhe të familjeve të tyre.
Të dhëna për pozitën
- Departamenti: Programi i Intervenimit dhe Edukimit të Hershëm
- Vendi i punës: Shoqata Down Syndrome Kosova – Qendra Prishtinë
- Data e fillimit: 07 Shtator, 2026
- Orari i punës: 6 orë
Kualifikimet / Përvoja e punës
- Kërkohet diplomë e studimeve themelore në fushën e Logopedisë.
- Niveli Master konsiderohet përparësi.
- Nevojitet licencë pune.
- Kandidati/ja duhet të ketë njohuri për sindromën Down dhe veçoritë e zhvillimit gjuhësor te fëmijët me sindromë Down.
- Përvoja e punës me fëmijë është e nevojshme, ndërsa përvoja me fëmijë me aftësi të kufizuar, me fokus te fëmijët me sindromë Down, është e dëshirueshme.
- Kërkohen shkathtësi të mira për punë në grup.
- Duhet të ketë aftësi të mira komunikimi.
- Njohja e gjuhës angleze është përparësi.
Detyrat dhe përgjegjësitë
Roli bashkëpunon si pjesë e një ekipi ndërdisiplinor në vlerësim, përcaktim të objektivave dhe ofrim të shërbimeve. Kjo përfshin bashkë-trajtime, takime të ekipit, zhvillim profesional dhe mbështetje profesionale për fëmijën me sindromë Down dhe familjen e tij.
- Bën vlerësimin e performancës së fëmijëve me sindromë Down në fushën e aftësive gjuhësore.
- Ofron terapi të gjuhës dhe të folurit për fëmijët me sindromë Down të grupmoshës 0-12 vjeç, me nivel të lartë profesionalizmi, në kuadër të Programit të Intervenimit dhe Edukimit të Hershëm.
- Zbaton dhe përdor njohuritë profesionale që lidhen me pozitën përkatëse.
- I realizon të gjitha detyrat sipas planit të aktiviteteve të Programit të Intervenimit dhe Edukimit të Hershëm.
- Mbështet ekipin me ndihmë të përgjithshme për zbatimin e aktiviteteve të Shoqatës Down Syndrome Kosova.
Dokumentet e kërkuara
- CV e përditësuar
- Letër motivimi
- Letër referenca
Afati i aplikimit është nga 10.08.2026 deri më 17.08.2026.