Përshkrimi

Dimal INC, një kompani e re që operon në fushën e përpunimit të produkteve të mishit, është në kërkim të një Ndihmës Magazinier.

Në Dimal INC vlerësohet kontributi dhe aftësia profesionale si element i rëndësishëm për arritjen e suksesit. Kompania mirëpret kandidatë që kanë interes për inovacionin dhe cilësinë, dhe që duan të bëhen pjesë e ekipit për të mbështetur sjelljen e produkteve cilësore në tryezat e shqiptarëve.

Detyrat

• Kontrollon mallin që hyn në magazinë duke verifikuar sasinë, lotin dhe datën e skadencës.
• Harton procesverbale kur konstatohet mospërputhje midis dokumentacionit dhe gjendjes fizike të magazinës.
• Regjistron në programin Navision mallin përmes procesit të checkimit, si edhe rastet kur evidentohet mall tepër ose mangët.
• Organizon dhe vendos produktet në magazinë sipas zonave të përcaktuara.
• Menaxhon daljen e mallit sipas datës dhe lotit të skadencës përmes checkimit, duke bërë edhe regjistrimin përkatës në sistem.
• Mban përgjegjësi për inventarin e magazinës që administron, përfshirë sasinë, datën, lotin dhe cilësinë e produkteve.
• Ndjek stokun në bazë të afateve të skadencës, bashkëpunon me departamentet e tjera për qarkullimin në kohë të mallit dhe përgatit raportim mujor për stokun sipas datave të skadencës.
• Evidenton temperaturat e dhomave frigoriferike dhe i arkivon këto të dhëna në dosje.
• Kujdeset për ruajtjen e gjurmueshmërisë së produktit.
• Kryen faturimin e shitjeve për klientët me shumicë dhe administron arkivimin e faturave.
• Verifikon porositë e klientëve për t'u siguruar që produkti përputhet me sasinë dhe cilësinë e kërkuar.
• Zbaton porositë e agjentëve të shitjes në përputhje me urdhër-porositë e dërguara dhe rendin përkatës.
• Mbikëqyr dhe kontrollon të gjithë rrjedhën e lëvizjes së mallit, duke adresuar çdo problem që mund të shfaqet gjatë procesit.

Kualifikimet

• Duhet të ketë përfunduar arsimin e lartë; përparësi ka profili ekonomik.
• Kërkohet të paktën 1 (një) vit përvojë pune si magazinier në kompani distribucioni ose prodhimi.
• Duhet të zotërojë njohuri të mira në përdorimin e programeve kompjuterike.
• Kërkohen aftësi shumë të mira organizative dhe drejtuese.

Dokumentet e kërkuara

• CV me foto
• Letër Interesi