KONKURS PUNE

DEVOLLI CORPORATION LLC

Lokacioni: PEJE

Data e hapjes: 04.06.2026

Data e mbylljes: 19.06.2026

Qëllimi i Pozitës

Kjo pozitë ka për detyrë të planifikojë, koordinojë, udhëheqë dhe mbikëqyrë të gjitha aktivitetet që lidhen me projektet zhvillimore të korporatës në fushën e ndërtimit dhe patundshmërisë, duke garantuar që ato të realizohen sipas afateve të përcaktuara, buxhetit të miratuar, standardeve të cilësisë dhe kërkesave ligjore. Po ashtu, roli përfshin drejtimin e bashkëpunimit dhe komunikimit ndërmjet investitorëve, kontraktorëve, konsulentëve, institucioneve publike e private dhe palëve të tjera të përfshira në projekte.

Detyrat dhe Përgjegjësitë Kryesore

Koordinon, organizon dhe mbikëqyr zbatimin e secilës fazë të projektit për të siguruar arritjen e objektivave të vendosura.
Përcjell ecurinë e projektit dhe kujdeset që ai të përfundojë brenda afateve dhe buxhetit të aprovuar.
Kontrollon rregullisht buxhetin, kostot dhe shpenzimet e projektit dhe propozon masa për optimizimin e tyre.
Zbulon, analizon dhe raporton rreziqet, devijimet ose çështjet që mund të ndikojnë në realizimin e projektit, duke rekomanduar zgjidhje dhe masa korrigjuese.
Mbikëqyr aktivitetet e ndërtimit, prokurimit, financave dhe shitjeve që janë të lidhura me projektin, duke siguruar koordinim dhe raportim të vazhdueshëm.
Verifikon, aprovon dhe monitoron kontratat, angazhimet dhe shpenzimet operative në kuadër të kompetencave të deleguara.
Menaxhon raportet me institucionet publike dhe private për të siguruar pajisjen me të gjitha lejet, pëlqimet dhe aprovimet e nevojshme për realizimin e projektit.
Administron marrëdhëniet kontraktuale dhe operative me bankat, klientët, kontraktorët, nënkontraktorët dhe partnerët e tjerë të projektit.
Harton dhe prezanton raporte periodike për investitorin lidhur me progresin, gjendjen financiare dhe çështjet kryesore të projektit.
Siguron zbatimin e standardeve të cilësisë, sigurisë në punë dhe kërkesave ligjore gjatë tërë ciklit të projektit.
Përfaqëson interesat e investitorit në takime, negociata dhe komunikime me palë të treta.

Kualifikimet dhe Kërkesat

Kërkohet diplomë universitare në Inxhinieri Ndërtimore, Arkitekturë, Menaxhim Projektesh, Ekonomi ose në fusha të ngjashme.
Nevojiten minimum 5–10 vite përvojë pune në menaxhimin e projekteve të ndërtimit, me përparësi për projekte rezidenciale dhe komerciale.
Duhet përvojë e dëshmuar në koordinimin e kontraktorëve, nënkontraktorëve, projektuesve, mbikëqyrësve dhe institucioneve relevante.
Kërkohen njohuri të mira mbi proceset e ndërtimit, planifikimit, prokurimit dhe menaxhimit të kostove.
Duhet përvojë në përgatitjen dhe administrimin e buxheteve të projektit.
Nevojiten njohuri për legjislacionin dhe procedurat administrative që lidhen me ndërtimin dhe zhvillimin e projekteve.
Kërkohet aftësi në përdorimin e Microsoft Office (Excel, Word, PowerPoint) si dhe të programeve për menaxhim projektesh si MS Project, Primavera ose të ngjashme.
Kërkohet njohuri e gjuhës angleze në nivel profesional, ndërsa njohja e gjuhëve të tjera konsiderohet përparësi.
Certifikimet profesionale në menaxhim projektesh, si PMP, PRINCE2 ose të ngjashme, përbëjnë avantazh.

Aftësit dhe Kompetencat

Aftësi shumë të mira organizative dhe planifikuese.
Aftësi të fuqishme për udhëheqje dhe menaxhim.
Shkathtësi të avancuara në komunikim dhe negociim.
Aftësi për të zgjidhur probleme dhe për të marrë vendime në situata komplekse.
Orientim të lartë drejt rezultateve dhe respektimit të afateve.
Aftësi për të punuar nën presion dhe për të menaxhuar disa procese njëkohësisht.
Ndjenjë e lartë përgjegjësie dhe profesionalizëm.

Kushtet e Punës

Pozita ofrohet me orar të plotë pune.
Ofron angazhim afatgjatë në projekte strategjik te korporates.
Paga është konkurruese dhe përcaktohet sipas përvojës dhe kualifikimeve.
Ka mundësi për zhvillim profesional dhe trajnime të specializuara.
Ambienti i punës është profesional dhe dinamik.
Pozita mundëson përfshirje direkte në vendimmarrje dhe në menaxhimin strategjik të projekteve.