Konkurs për vende të lira pune

Delta Security sjell shërbime të avancuara dhe profesionale në fushën e sigurisë. Veprimtaria e saj që nga viti 2001 pasqyron përkushtimin dhe besueshmërinë ndaj klientëve, profesionit dhe shërbimeve që ofron.

Kompania fton kandidatët e interesuar të bëhen pjesë e ekipit për këtë pozitë:

Pozita: Menaxher i Departamentit të Rojeve

Vendi i punës: PRISHTINË

Përgjegjësitë dhe detyrat

• Drejton departamentin e rojeve.
• Planifikon dhe bashkërendon angazhimin e rojeve nëpër pika, duke përfshirë caktimin e vendeve të punës, zëvendësimet dhe pushimet.
• Viziton dhe kontrollon pikat herë pas here për të vlerësuar performancën e rojeve në terren.
• Pranon roje të rinj sipas nevojave të punës.
• Siguron që pikat ku janë të angazhuara rojet të kenë pajisjet dhe dokumentacionin e domosdoshëm në përputhje me Ligjin për Shërbime Private të Sigurisë.
• Mban komunikim dhe takime të rregullta me klientët.
• Kryen edhe detyra të tjera të caktuara nga menaxhmenti i kompanisë, varësisht nga kërkesat në terren.

Aftësitë/Kualifikimet

• Të ketë të kryer arsimin e lartë.
• Të ketë përvojë në pozita menaxheriale, ndërsa përvoja në sigurimin themelor konsiderohet e rekomandueshme.
• Të mos ketë dosje kriminale ose ndonjë rast ligjor në proces.
• Të posedojë aftësi të mira menaxhimi, pune në ekip, koordinimi dhe organizimi të ekipit.
• Të dijë të përdorë kompjuterin, përfshirë word, excel dhe outlook.
• Të ketë patentë shoferi, minimumi kategoria “B”.
• Të ketë shkathtësi shumë të mira komunikimi dhe marrëdhëniesh ndërpersonale.