Titulli: Infermier të diplomuar – Mundësi punësimi në Gjermani
Organizata: DEKRA Arbeit Kosove (në bashkëpunim me Victor’s Group, Vitanas GmbH dhe Dorea Familie)
Vendi i punës: Gjermani (rajonet e ndryshme)

Përshkrim i shkurtër:

• DEKRA Arbeit Kosove po rekruton infermierë të diplomuar (të licensuar ose në proces të licensimit) për punë afatgjatë në Gjermani.
• Ofrohen mundësi reale për zhvillim profesional dhe integrim të sigurt në tregun gjerman të punës, me mbështetje në përgatitjen e dokumentacionit dhe kurse gjuhë.

Kriteret kryesore për aplikim:

• Diplomë në Infermieri ose Shkenca të Kujdesit Shëndetësor
• Të licensuar ose në proces të marrjes së licensës profesionale (përmes periudhës së praktikës ose përgatitjes për provim)
• Minimum 6 muaj përvojë pune pas diplomimit
• Njohuri të gjuhës gjermane: Minimum A2 në momentin e aplikimit
• Detyrim për arritjen e nivelit B2 para nisjes (përkrahje dhe monitorim i procesit ofrohet)
• Vullnet për të jetuar dhe punuar në Gjermani, si dhe për t’u përshtatur me standardet gjermane të kujdesit
• Fleksibilitet për vendosje në rajone të ndryshme në Gjermani

Dokumentet që kërkohen për aplikim:

• CV (në gjermanisht ose anglisht)
• Diploma dhe lista e notave
• Certifikatë gjuhësore (së paku A2 – preferohet B1/B2)
• Dëshmi të përvojës së punës

Mbështetja që ofron DEKRA Arbeit Kosove:

• Asistencë e plotë në përgatitjen e dokumentacionit për njohjen profesionale në Gjermani
• Udhëzim dhe ndjekje të procesit për nostrifikim, përkthime dhe procedura të tjera zyrtare
• Organizim dhe mbajtje të kursit të gjuhës gjermane në Kosovë – pa pagesë për kandidatët, me qëllim arritjen e nivelit B2 para nisjes. Kurset zhvillohen në grupe të organizuara sipas nivelit aktual.

Mbështetje nga punëdhënësi (klienti) për:

• Gjetjen e banimit në Gjermani (pagesa e qirasë bëhet nga kandidati)
• Integrimin në ambientin e punës dhe jetës në Gjermani
• Mbështetje në procedurat pas mbërritjes: regjistrimi, sigurimi, llogari bankare etj.
• Kurse shtesë të gjuhës teknike për përgatitje drejt njohjes së plotë si infermier/e i/e licensuar

Afati: Derisa pozitat të plotësohen