Kompania Bucaj kërkon kandidatë të moshës 21 deri në 35 vjeç për pozitën Përfaqësues i shitjes në pikë të shitjes – Shitës/e në këto qytete: Prishtinë, Ferizaj, Prizren, Gjilan dhe Gjakovë.

Përgjegjësitë dhe detyrat

• Të ofrohet shërbim profesional dhe korrekt për klientët.
• Të prezantohen, promovohen dhe shiten produktet në përputhje me standardet e korporatës.
• Të menaxhohet dhe evidentohet me saktësi procesi i shitjeve.
• Të ruhet pastërtia dhe rregulli në hapësirën e punës.
• Të zbatohen politikat dhe procedurat e kompanisë gjatë ushtrimit të punës.
• Të punohet ngushtë me ekipin për arritjen e objektivave dhe standardeve të shitjes.
• Të realizohen edhe detyra të tjera operative sipas kërkesave të menaxhmentit.

Kualifikimet e kërkuara

• Të jetë përfunduar së paku shkolla e mesme, ndërsa diploma universitare konsiderohet përparësi.
• Kërkohet përvojë në marketing, shitje, promovim ose në punë me klientë.
• Nevojiten aftësi shumë të mira në komunikim, organizim, prezantim, planifikim dhe analizë.
• Preferohet personalitet energjik, kreativ dhe i aftë për krijimin e marrëdhënieve profesionale.

Çfarë ofrohet

• Kontratë e rregullt pune.
• Pagë 1100€ Bruto, ku përfshihet paga fikse dhe bonusi në varësi të realizimit të objektivave mujore.
• Sigurim shëndetësor i mbuluar nga korporata.
• Trajnime profesionale.
• Orar pune me dy ndërrime, me rotacion sipas planit javor ose mujor.
• Dy ditë pushim gjatë javës.
• Vendndodhja e dyqanit është në Prishtinë, Ferizaj, Prizren, Gjilan dhe Gjakovë.

Kandidatët që i përmbushin kushtet e kërkuara do të ftohen në fazat e mëtejme të rekrutimit.

Konkursi mbetet i hapur nga 26 Qershor 2026 deri më 05 Korrik 2026.