KONKURS PUNE

Kompania BINNI, e angazhuar në prodhimin dhe zbatimin e projekteve të enterierit, ka hapur konkurs për pozitën Inxhinier/e i Matjes në pikën Prizren.

Kërkohet një kandidat/e serioz/e dhe profesional/e me përvojë në matje teknike, i/e cili/a do të merret me realizimin e matjeve në terren dhe me përgatitjen e të dhënave të sakta që shërbejnë për zbatimin e projekteve të mobilimit.

Përshkrimi i punës

• Realizimi i matjeve teknike në objekte dhe ambiente të ndryshme, në përputhje me kërkesat e projektit.
• Shqyrtimi i përmasave të hapësirave dhe evidentimi i detajeve teknike që nevojiten për procesin e prodhimit.
• Hartimi i skicave, shënimeve dhe dokumentacionit teknik mbi bazën e matjeve të kryera në terren.
• Koordinimi me ekipet e projektimit, shitjes dhe prodhimit për të garantuar zbatimin e saktë të projekteve.
• Verifikimi i saktësisë së të dhënave përpara nisjes së prodhimit dhe montimit.
• Daljet në terren dhe komunikimi korrekt me klientët gjatë zhvillimit të procesit të matjes.

Kërkesat për kandidatët

• Përvojë pune në matje teknike, arkitekturë, inxhinieri, mobilim ose në fusha të përafërta.
• Njohje të mira në leximin e planeve dhe vizatimeve teknike.
• Saktësi në punë, ndjenjë përgjegjësie dhe aftësi të mira organizative.
• Aftësi për të ushtruar detyrat si në mënyrë të pavarur, ashtu edhe në bashkëpunim me ekipin.
• Përparësi do të kenë kandidatët që kanë përvojë në industrinë e mobilimit dhe të enterierit.

Ne ofrojmë

• Mjedis profesional pune dhe mundësi zhvillimi brenda një kompanie stabile.
• Punë në bashkëpunim me një ekip me përvojë.
• Mundësi për rritje dhe avancim profesional.

Dokumentet e kërkuara

• CV.
• Një fotografi.

Vetëm kandidatët që i përmbushin kriteret do të ftohen për intervistë.