Përshkrimi

Ky pozicion merret me hedhjen në sistem të faturave të shitjes dhe të blerjes, verifikimin e saktësisë së dokumenteve, pranimin e mallrave të furnizuara dhe përmbushjen e detyrave të tjera të ngjashme.

Detyrat

• Pranon mallrat e furnizuara duke u siguruar që ato përputhen plotësisht me porositë e kryera nga kompania.
• Hedh në sistem me saktësi të gjithë dokumentacionin që lidhet me veprimtaritë ekonomike dhe financiare që mbulon.
• Regjistron faturat e shitjes dhe të blerjes.
• Krijon regjistrimet për produktet e reja duke përfshirë të gjithë të dhënat e nevojshme, si përshkrimi, barcod-i dhe klasifikimet.
• Pasqyron veprimet e magazinës dhe bën rakordimin e lëvizjeve të mallrave.
• Verifikon saktësinë e dokumentacionit të magazinës për hyrjet dhe daljet, si edhe dokumentet shoqëruese, përfshirë faturën, urdhrin e dorëzimit dhe fletën e kërkesës. Ky kontroll bëhet si nga ana vizuale për elementet e dokumentit, ashtu edhe për saktësinë e veprimeve.
• Kryen pranimin në dorëzim të mallrave.
• Regjistron veprimet e arkës dhe mbyll çdo ditë librin e arkës.
• Realizon edhe detyra të tjera të ngjashme sipas nevojës.

Kualifikimet

• Të ketë njohuri të mira për programin Financa 5.0.
• Të ketë njohuri mbi dokumentacionin ekonomik, bankar dhe financiar.
• Të zotërojë aftësi analitike.
• Të ketë aftësi shumë të mira komunikimi dhe bashkëpunimi në grup.
• Të dijë të përgatisë raporte.
• Të tregojë saktësi dhe korrektësi gjatë menaxhimit të disa detyrave njëkohësisht.
• Të jetë e orientuar drejt përmbushjes së detyrave brenda afateve të përcaktuara.
• Të jetë fleksibël në punë, edhe kur i caktohen përgjegjësi të tjera.
• Të ketë Diplomë Universitare bachelor në Ekonomi/Finance/Kontabilitet.
• Të ketë njohuri shumë të mira të kompjuterit, si edhe të paketës Office dhe Outlook.