Zyrtar/e Financa dhe Administratë

Lokacioni: Kosovë
Kompania: Beta Pharm sh.p.k

Beta Pharm sh.p.k është kompani familjare me seli në Prishtinë dhe vepron në Kosovë, Maqedoni dhe Shqipëri që nga viti 2010. Ajo përfaqëson brende të njohura si Floradix, Alpecin, Beurer dhe IcePower. Veprimtaria e saj përqendrohet në distribuimin dhe marketingun e produkteve farmaceutike, parafarmaceutike, artikujve për kujdes personal dhe pajisjeve mjekësore.

Përshkrimi i rolit

Personi i angazhuar në këtë pozitë do të ndihmojë në administrimin e proceseve të përditshme të kompanisë, në mbajtjen korrekte të evidencave financiare dhe në funksionimin efikas të zyrës. Roli kërkon organizim shumë të mirë, përpikëri në detaje dhe qasje aktive në zgjidhjen e çështjeve të punës.

Detyrat kryesore

• Ofron mbështetje në përgatitjen dhe mirëmbajtjen e evidencave financiare, përfshirë faturat, raportet e shpenzimeve dhe barazimet.
• Organizon dhe menaxhon dërgesat e importeve, bashkëpunon me furnitorët dhe partnerët logjistikë, përgatit dokumentacionin dhe monitoron kostot.
• Jep mbështetje në përpunimin e pagave dhe në ruajtjen e të dhënave të sakta të punonjësve.
• Kujdeset për proceset e pagesave dhe të arkëtimeve.
• Bashkëpunon me furnitorë, klientë dhe palë të tjera për çështje financiare dhe administrative.
• Sistemon dhe mban dosjet e zyrës, regjistrat dhe korrespondencën.
• Kryen detyra të përditshme administrative, si organizimi i takimeve, trajtimi i telefonatave dhe menaxhimi i furnizimeve të zyrës.
• Ndihmon në hartimin e raporteve financiare dhe të buxheteve sipas nevojës.
• Monitoron llogaritë bankare.
• Bën shkarkimin e blerësve dhe ndjek arkëtimet e agjentëve ambulantivë.
• Kujdeset për barazimin dhe ndjekjen e stokut për të garantuar saktësinë e evidencave të inventarit.
• Punon ngushtë me Kontabilistin Përgjegjës, Departamentin e Shitjes dhe Menaxherin e Brandev dhe Marketingut.
• Mbështet organizimin e aktiviteteve të kompanisë dhe angazhimin e punonjësve.

Kualifikimet

• Diplomë Bachelor në Financa, Kontabilitet, Administrim Biznesi ose në një fushë të përafërt, ose përvojë ekuivalente.
• Aftësi të mira në organizim dhe menaxhim të kohës.
• Njohuri të Microsoft Office Suite, përfshirë Excel, Word dhe Outlook.
• Përparësi përbëjnë njohuritë në softuerë financiarë vendorë si Finabit, ProData, LogIn ose sisteme të ngjashme.
• Shkathtësi shumë të mira komunikimi me gojë dhe me shkrim në gjuhën shqipe dhe angleze.
• Aftësi për të punuar në mënyrë të pavarur dhe njëkohësisht në ekip.
• Përkushtim ndaj detajeve dhe aftësi për të ruajtur konfidencialitetin.

Afati i aplikimit

Afati për aplikim është deri më 15 Qershor 2026, ora 17:00.