Përshkrimi

Program Praktike – epara (BKT Pay)

Vendndodhja: Tiranë, Shqipëri
Kohëzgjatja: 3 muaj (praktikë)
Mundësi punësimi: Po, në varësi të performancës

Rreth epara (BKT Pay)

epara (BKT Pay) është një institucion financiar i licencuar nga Banka e Shqipërisë dhe bën pjesë në BKT, një nga grupet financiare më të rëndësishme në Shqipëri.

Kompania vepron në sektorin e pagesave digjitale dhe krijon produkte inovative për tregun vendas, duke ndërthurur standardet e larta të një institucioni të rregulluar me fleksibilitetin e një kompanie teknologjike.

Përshkrimi i Programit të Praktikës

epara zhvillon një program praktike të strukturuar për kandidatë të rinj që synojnë të ndërtojnë karrierën e tyre në sektorin financiar dhe në fushën e pagesave digjitale.

Gjatë kësaj eksperience, praktikantët do të angazhohen në aktivitetet e përditshme të kompanisë, me theks te komunikimi me klientët dhe mbështetja e proceseve operacionale.

Programi është ndërtuar për të ofruar përvojë konkrete në punë dhe për të ndihmuar në zhvillimin e aftësive profesionale.

Pas përfundimit të praktikës, kandidatët që tregojnë nivel të lartë performance dhe përkushtim mund të merren në konsideratë për role të përhershme në kompani.

Detyrat

• Ofrimi i mbështetjes në trajtimin e kërkesave dhe në komunikimin me klientët
• Ndjekja dhe koordinimi i çështjeve të raportuara nga klientët
• Kontribut në rritjen e cilësisë së shërbimit dhe në testimin e përvojës së klientit
• Bashkëpunim me ekipet e brendshme për zgjidhjen e problematikave
• Zbatimi i procedurave dhe udhëzimeve të brendshme operacionale

Kualifikimet

• Student në vitin e fundit ose i diplomuar në Ekonomi, Administrim Biznesi, Manaxhim I Sistemeve te Informacionit, Teknologji e Informacionit, ose fusha të ngjashme
• Aftësi shumë të mira komunikimi në gjuhën shqipe dhe angleze
• Aftësi të mira organizative dhe vëmendje ndaj detajeve
• Sjellje profesionale dhe ndjenjë përgjegjësie në realizimin e detyrave
• Gatishmëri për të mësuar dhe për t’u zhvilluar në një mjedis pune dinamik

Çfarë përfshin programi

• Përvojë praktike në një institucion financiar të rregulluar
• Ekspozim ndaj proceseve operacionale dhe ndërveprimeve me klientët
• Mbështetje dhe orientim gjatë gjithë kohëzgjatjes së praktikës
• Mundësi për zhvillim profesional dhe përfshirje në stafin e kompanisë për kandidatët me performancë të lartë