Përshkrimi

Balfin Construction (ish Mane TCI), pjesë e Grupit BALFIN, është një kompani udhëheqëse në fushën e ndërtimit dhe investimeve në projekte zhvillimore në Shqipëri dhe në rajon. E krijuar në vitin 2001, kjo kompani vepron në ndërtimet civile dhe industriale, duke përfshirë Qendra Tregtare, Godina Rezidenciale, Qendra Sociale dhe Kulturore, ndërtime industriale dhe infrastrukturë.

Grupi BALFIN renditet ndër grupet më të suksesshme të investimeve në Ballkanin Perëndimor. I themeluar në vitin 1993, aktualisht ai është i pranishëm në Austri, Shqipëri, Kosovë, Bosnje dhe Hercegovinë, Kroaci, Maqedoninë e Veriut, Zvicër, Mal të Zi, Holandë, Kanada dhe Shtetet e Bashkuara të Amerikës. Veprimtaria e tij shtrihet në disa sektorë, si bankat, zhvillimi i pasurive të paluajtshme, tregtia me shumicë dhe pakicë, menaxhimi i aseteve, turizmi, logjistika, arsimi dhe argëtimi.

Me rreth 5,500 profesionistë në ekip, BALFIN Group vijon zgjerimin në mënyrë të qëndrueshme, i mbështetur nga etika e fortë në biznes, qëndrueshmëria financiare, inovacioni dhe përkushtimi afatgjatë për ndikim pozitiv në komunitet përmes Mane Foundation.

Pozicioni i ofruar është Inxhinier Gjeodet në Departamentin Teknik, me vendndodhje në Green Coast (Infrastruktura), Palasë.

Qëllimi kryesor i këtij roli është kryerja e detyrave që lidhen me hartimin e rilevimeve topografike speciale, të cilat kërkojnë mjete të posaçme dhe organizim të veçantë, si edhe realizimi i punimeve topogjeodezike në objekte inxhinierike, punimeve speciale gjeodezike, rrjetit mbështetës dhe përpunimit të volumeve.

Detyrat

Detyrat dhe Përgjegjësitë Kryesore:

• Mbikëqyr dhe verifikon që objektet të zbatohen në përputhje me projektet dhe kushtet urbanistike.
• Kryen rilevime të ndryshme topografike në sisteme të ndryshme koordinative.
• Ndjek nga afër procesin e punimeve të ndërtimit, duke përcaktuar kuotat e kërkuara nga projekti.
• Realizon azhurnime të ndryshme dhe bën lidhjen me sistemet koordinative relative dhe absolute.
• Përgatit dokumentacionin pas ndërtimit (as-built).
• Kryen llogaritje dhe krahasime volumesh.
• Merret me kontrollin dhe përgatitjen e situacioneve.

Kandidati duhet të ketë diplomë universitare në degën Gjeodezi.

Kualifikimet

Kërkesat e pozicionit:

• Të ketë 3-vjeçare eksperiencë në të njëjtën industri.
• Të zotërojë diplomë në inxhinieri; përparësi kanë kualifikimet specifike për këtë rol.
• Të ketë përvojë pune në fusha të ngjashme.
• Të jetë vendimmarrës dhe me personalitet të fortë.
• Të ketë njohuri shumë të mira mbi standardet e sigurisë dhe shëndetit në punë.
• Të ketë njohuri shumë të mira në përdorimin e programeve kompjuterike AutoCad Civil 3D, CAD, EXCEL.
• Të dijë të punojë me Total Station & GPS.
• Të jetë në gjendje të evidentojë dhe të raportojë problematika.
• Të karakterizohet nga energjia dhe iniciativa.
• Të ketë njohuri shumë të mira mbi legjislacionin e urbanistikës.
• Të jetë i aftë të propozojë zgjidhje dhe të marrë vendime.
• Të ketë aftësi të mira komunikimi dhe të shprehë qartë idetë dhe zgjidhjet.
• Të punojë mirë në skuadër.

Afati i dorëzimit: 02.06.2026