Kjo shpallje ka skaduar dhe nuk pranon më aplikime.
Arkitekt Kantieri
Ndertimtari & InxhinieriTiranë1 muaj më parëFull Time
Përshkrimi
Balfin Construction (ish Mane TCI), pjesë e Grupit BALFIN, ushtron aktivitetin e saj në fushën e ndërtimit dhe investimeve për projekte zhvillimi në Shqipëri dhe në rajon. E krijuar në vitin 2001, kompania fokusohet në ndërtime civile dhe industriale, duke përfshirë qendra tregtare, objekte rezidenciale, qendra sociale e kulturore, ndërtime industriale dhe infrastrukturë.
Grupi BALFIN renditet ndër grupet më të suksesshme të investimeve në Ballkanin Perëndimor. I themeluar në vitin 1993, ai zhvillon aktivitet në Austri, Shqipëri, Kosovë, Bosnje dhe Hercegovinë, Kroaci, Maqedoninë e Veriut, Zvicër, Mal të Zi, Holandë, Kanada dhe Shtetet e Bashkuara të Amerikës. Portofoli i grupit përfshin disa fusha, si bankat, zhvillimi i pasurive të paluajtshme, tregtia me shumicë dhe pakicë, administrimi i aseteve, turizmi, logjistika, arsimi dhe argëtimi.
Me afro 5,500 profesionistë të angazhuar, BALFIN Group vijon zgjerimin e tij të qëndrueshëm, i mbështetur në etikë të fortë biznesi, stabilitet financiar, risi dhe përkushtim afatgjatë për ndikim pozitiv në komunitet përmes Mane Foundation.
Departamenti: Teknik
Vendndodhja: Rolling Hills Liqeni, Tiranë
Përmbledhja e pozicionit:
Arkitekti i Kantierit duhet të ketë njohuri shumë të mira mbi projektin dhe specifikimet e tij. Roli përfshin ndjekjen, kontrollin dhe koordinimin e punimeve të zbatimit për objekt shërbimi, me theks të veçantë te faza aktuale e punimeve të fasadës së ventiluar, montimit të fasadës së xhamit, taracës së gjelbëruar dhe rifiniturave të brendshme.
Detyrat
- Mban komunikim të vazhdueshëm me studiot e projektimit, konsulentin ose klientin për çështje që lidhen me projektin.
- Ndjek ecurinë e fazës aktuale të punimeve, përfshirë vetratat, fasadën e ventiluar, travertinën me ngjitje dhe taracën e gjelbëruar. Mbikëqyr nga afër montimin e vetratave dhe të fasadës së ventiluar, duke siguruar përputhje me detajet arkitekturore dhe standardet e hidroizolimit dhe termoizolimit.
- Kontrollon dhe bashkërendon punimet e shtresave sipas detajeve të zbatimit për taracën e gjelbëruar, duke përfshirë hidroizolimin, drenazhin, substratin dhe elementet e gjelbërimit.
- Harton vizatime arkitekturore për t’u përfshirë në paketat e tenderimit për fazat pasuese të rifiniturave.
- Shqyrton vizatimet e ndërtimit për të verifikuar përputhshmërinë me projektet e zhvilluara dhe bën plotësimet e nevojshme për kantierin sipas rastit.
- Mbikëqyr cilësinë e punimeve të arkitekturës dhe materialeve, si edhe respektimin e afateve.
- Përgatit raporte të ndryshme sipas kërkesave të eprorëve.
- Evidenton të gjitha fazat e projektit dhe administron dokumentacionin ose regjistrat përkatës për azhornimet e projekteve, duke u kujdesur që përditësimet të kryhen në kohë para zbatimit.