Përshkrimi

AZ Group kërkon një Inxhinier Mjedisi që të mbulojë përputhshmërinë mjedisore të gjithë veprimtarisë së kompanisë, administrimin e mbetjeve, impiantin për trajtimin e ujërave dhe ajrit, si edhe raportimin pranë autoriteteve rregullatore të mjedisit. Ky rol punon në bashkëpunim të afërt me Drejtorin teknik për iniciativa që lidhen me qëndrueshmërinë dhe rritjen e efiçencës së energjisë.

Vendi i punës: Lezhë

Transporti ofrohet nga kompania.

Detyrat

Përgjegjësitë kryesore

• Kujdeset që të gjitha operacionet e AZ Group të jenë në përputhje me legjislacionin mjedisor shqiptar dhe me standardet ndërkombëtare.
• Përgatit dhe paraqet raportet mjedisore periodike pranë institucioneve përkatëse, si Agjencia e Mjedisit, Bashkia dhe Inspektoriati Mjedisor.
• Administron lejet mjedisore të kompanisë dhe procesin e rinovimit të tyre, duke ndjekur afatet e detyrimeve rregullatore.
• Bashkërendon ndarjen, dokumentimin dhe largimin e mbetjeve të prodhimit sipas kategorisë dhe origjinës, në koordinim me Përgjegjësin e Logjistikës së Brendshme.
• Garantion që çdo mbetje të trajtohet në përputhje me kërkesat ligjore dhe me procedurat e brendshme.
• Verifikon që parametrat e ujërave të trajtuar të jenë brenda standardeve të përcaktuara.
• Mbikëqyr punën e impiantit të trajtimit të ajrit (scrubber-a) në kompleksin industrial, në bashkëpunim të ngushtë me Drejtorin teknik.
• Zbaton monitorime periodike sipas procedurës mjedisore, duke mbuluar dokumentacionin, auditimin dhe afatet.
• Evidenton mundësi për të ulur ndikimin mjedisor të operacioneve.
• Ndjek dhe raporton konsumin e energjisë, përfshirë gazin, ujin dhe energjinë elektrike, me synim rritjen e efiçencës operacionale dhe zvogëlimin e ndikimit në mjedis.

Kualifikimet

Kualifikimet

• Diplomë universitare në Inxhinieri Mjedisore, Kimi Mjedisore, Inxhinieri Kimike ose në një fushë të afërt.
• Eksperiencë në menaxhimin e mbetjeve, raportimin mjedisor ose projekte për trajtimin e ujërave.
• Njohuri të mira të gjuhës angleze.
• Aftësi analitike dhe raportuese, me zotësi për hartimin e raporteve dhe interpretimin e tyre.