Titulli i punës: Asistent/e pranë Departamentit Ligjor

Përshkrimi:
Pozicioni ka si përgjegjësi kryesore administrimin dhe menaxhimin e dokumentacionit ligjor të Departamentit, përfshirë proceset e protokollimit, arkivimit dhe ndjekjen e procedurave të ndryshme ligjore, me qëllim garantimin e funksionimit efikas dhe të rregullt të proceseve administrative dhe ligjore brenda strukturës.

Detyrat:

• Hartimi i shkresave zyrtare drejtuar institucioneve publike dhe private, si dhe administrimi, skanimi dhe arkivimi i dokumentacionit përkatës në përputhje me procedurat e brendshme të shoqërisë.
• Ndjekja e procedurave pranë institucioneve qendrore dhe vendore, duke përfshirë aplikime, depozitime dhe tërheqje dokumentacioni, si dhe përgatitjen e dokumenteve të nevojshme deri në zgjidhjen e çështjeve përkatëse.
• Përgatitja e dokumentacionit ligjor në funksion të organizimit të brendshëm të shoqërisë, në përputhje me udhëzimet e drejtuesit të Departamentit Ligjor.
• Të ketë njohuri të mira të Legjislacionit Civil dhe Ligjit për Shoqëritë Tregtare.
• Çdo detyrë tjetër që i përshtatet pozicionit të punës sipas direktivave të eprorit.

Kualifikimet:

• Të ketë përfunduar studimet e larta në Fakultetin e Drejtësisë.
• Të ketë eksperiencë pune 1-2 vite në zhvillimin e profesionit të tij.
• Përbën avantazh eksperienca në sektorin e ndërtimit dhe/ose pranë zyrave noteriale.
• Të ketë njohuri mbi programet kompjuterike të paketës MS Office.
• Të ketë aftësi të mira në komunikim, dhe të jetë i/e përgjegjshëm gjatë orarit të punës.
• Aftësi të mira për të punuar në grup, si dhe individualisht për detyra që i ngarkohen.
• Korrektësi dhe seriozitet për të ndjekur detyrat e ndryshme sipas udhëzimeve të eprorit dhe raportime të vazhdueshme mbi punën.

Dokumentet e kërkuara:

• CV

Ofrohet:

• Kontratë pune afatgjatë me kushte konkuruese.
• Ambient miqësor dhe mundësi zhvillimi profesional.
• Përfshirje në projekte dinamike që shoqëria zhvillon.

Shënime:

• Të gjitha aplikimet do të trajtohen me konfidencialitet të plotë sipas Ligjit Nr.124/2024, datë 19.12.2024 “Për mbrojtjen e të dhënave personale”.