Përshkrimi

A.M.G shpk, si pjesë e zgjerimit të aktivitetit të saj, po kërkon një profesionist për rolin e Teknik Elektrik dhe Mekanik.

Kandidati ideal duhet të zotërojë njohuri të thelluara dhe përvojë praktike në fusha të ndryshme teknike, përfshirë elektrikën, mekanikën dhe hidraulikën. Nëse ke profil të gjithanshëm teknik dhe je në gjendje të diagnostikosh, riparosh dhe mirëmbash sisteme, pajisje ose komponentë të ndryshëm, kjo pozitë është e përshtatshme për ty.

Detyrat

• Kryerja e mirëmbajtjes, diagnostikimit dhe ndërhyrjeve teknike.
• Punë me sisteme elektrike industriale, si motorë, panele, inverterë dhe sensorë.
• Angazhim në procese mekanike që përfshijnë pompa, transmisione, valvula dhe pjesë lëvizëse.
• Trajtimi i elementeve hidraulike, përfshirë linjat e ujit, presionin, pompimin, filtrat dhe rrjedhjet.
• Zbulimi dhe zgjidhja e defekteve teknike.
• Kryerja e testimeve funksionale pas çdo ndërhyrjeje.
• Zbatimi i mirëmbajtjes parandaluese dhe asaj korrektive.
• Hartimi i raportimeve teknike për punët e realizuara.
• Bashkëpunim dhe koordinim me ekipin.

Kualifikimet

• Preferohet të kesh arsim profesional ose të lartë në elektrikë ose mekanikë.
• Kërkohen minimumi 3–5 vite përvojë konkrete pune.
• Duhet të kesh njohuri të forta teknike për motorë elektrikë, kontaktorë, siguresa, inverterë, sensorë, sisteme pompimi, presioni etj.
• Kërkohet patentë e klasit (klasi B).

Aftësi të tjera

• Aftësi për diagnostikim të shpejtë të defekteve.
• Përdorim i saktë dhe profesional i veglave teknike.
• Menaxhim i situatave emergjente me natyrë teknike.
• Përgjegjshmëri, seriozitet dhe korrektësi në punë.
• Komunikim në nivel profesional.
• Aftësi të mira organizative.