Përshkrimi

A.M.G sh.p.k është një kompani e krijuar që prej viteve '90 dhe ka 25 vite përvojë në importin dhe shpërndarjen e produkteve ushqimore të ngrira. Portofoli i saj përfshin Akullore Algida (Magnum, Corneto, Carte'Dor, Scandal, King Kone…), Produkte Pule Lezita (Kotoleta, Krahe Pule, Finger Pule, Fileto Pule), Produkte Brumi Ioniki, Perime Polar Food, Produkte Deti Siblou etj. Kompania është e pozicionuar si një nga emrat kryesorë në tregun shqiptar, me staf profesional dhe përvojë të konsoliduar. Me synimin për të përmbushur sa më mirë kërkesat e klientëve dhe për të rritur standardin e shërbimit, ajo po zgjeron ekipin me një profil energjik që synon zhvillim profesional.

Kompania po kërkon Menaxher Rajonal.

Ky rol merr pjesë drejtpërdrejt në organizimin dhe mbikëqyrjen e veprimtarisë së kompanisë në terren për klientët e portofolit, me synim rritjen e efikasitetit dhe cilësisë së shërbimit. Pozicioni kontribuon në përmirësimin e vendosjes së produkteve në treg, me fokus te kategori të caktuara, mbështet zbatimin e politikave të shitjes dhe raportimit në çdo nivel, si edhe kujdeset për krijimin dhe ruajtjen e marrëdhënieve me klientët.

Detyrat

• Të njohë në mënyrë të plotë produktet e kompanisë dhe të kujdeset për paraqitjen e tyre në treg.
• Të mbajë informacion të përditësuar në mënyrë të vazhdueshme për produktet dhe çmimet e konkurrencës.
• Të kontribuojë aktivisht në diskutimet që lidhen me përcaktimin e çmimeve.
• Të ndjekë ecurinë e shitjes së produkteve dhe të ndërhyjë në kohën e duhur për të shmangur vështirësi gjatë procesit.
• Të analizojë performancën e produkteve sipas kategorive, të hartojë raporte dhe të propozojë masa për përmirësimin e rezultateve.
• Të përzgjedhë dhe të përgatisë produktet që do të futen në promocion sipas rasteve përkatëse.
• Të jetë në komunikim të vazhdueshëm me drejtorin e blerjeve, të kontrollojë stokun e kategorisë dhe të ndjekë gjendjen e porosive.
• Të ndjekë projekte të caktuara në bashkëpunim me departamentin e shitjeve.
• Të mbikëqyrë të gjitha elementet që lidhen me promovimin, imazhin dhe aspekte të ngjashme për produktet në fokus.
• Të përgatisë raporte javore dhe mujore mbi planin e aktivitetit dhe t’i raportojë periodikisht te Menaxheri i shitjeve dhe CEO.
• Të orientohet vazhdimisht drejt rritjes së shitjeve të shoqërisë.
• Të realizojë targetet dhe të analizojë boshllëqet e evidentuara.
• Të monitorojë dhe të rishikojë raportet periodike sipas klientëve, produkteve dhe nivelit të realizimit, duke raportuar te administratori.
• Të sugjerojë ndjekjen e klientëve potencialë për departamentin e Shitjes ndaj strukturës së shitjes dhe administratorit.
• Të mbikëqyrë procesin e regjistrimit të porosive në bazat e të dhënave të brendshme.
• Të negociojë kushtet e marrëveshjeve me klientët me miratimin e administratorit.
• Të menaxhojë likuiditetin e klientëve në koordinim me departamentin e shitjeve.
• Të autorizojë skontot sipas kufijve të autoritetit të përcaktuar nga administratori.
• Të ndjekë detyrat e caktuara për supervizorët e shitjeve dhe koordinatorët e shitjeve të departamentit, ndërsa për këta të fundit në bashkëpunim me kryekoordinatorin.
• Të identifikojë nevojat për trajnim në strukturën e shitjeve sipas pozicioneve përkatëse.
• Të përgatisë raporte nga takimet me klientët në terren për vlerësimin e stafit, duke evidentuar pikat e forta dhe të dobëta për secilin.
• Të marrë pjesë në trajnimin e stafit dhe në procesin e onboarding.

Kualifikimet

• Të ketë përfunduar arsimin e lartë në Financë, Marketing, Administrim Biznesi etj.
• Të ketë më shumë se 5 vjet përvojë pune në sektorin e shitjeve me pakicë, markete dhe supermarkete.
• Të ketë eksperiencë si Menaxher në drejtimin e ekipeve të shitjes.
• Të ketë njohuri shumë të mira të paketës Microsoft Office (excel, Ëord, Poëer point).
• Të zotërojë gjuhën Angleze.
• Të ketë aftësi për të udhëhequr dhe motivuar një ekip.
• Të ketë aftësi shumë të mira komunikimi dhe marrëdhëniesh ndërpersonale.
• Të tregojë përkushtim të lartë ndaj shërbimit ndaj klientit.
• Të jetë i aftë të punojë nën presion dhe të menaxhojë situata sfiduese.
• Të shfaqë vetëbesim, iniciativë dhe entuziazëm.
• Të ketë aftësi vendimmarrjeje dhe ndjenjë të lartë përgjegjësie.
• Të jetë në gjendje të kuptojë dhe analizojë shifrat e shitjeve.
• Të ketë sens të shëndoshë biznesi.