AME, me rreth 25 vite përvojë në treg, përfaqëson në Kosovë brendin TORK, një lider global në fushën e produkteve dhe shërbimeve të higjienës profesionale. Për shkak të zgjerimit të aktivitetit, kompania po kërkon një Agjent të Shitjes të fokusuar në arritjen e rezultateve.

PËRSHKRIMI I PUNËS PËR AGJENT TË SHITJES

Përgjegjësitë kryesore

• Merret me promovimin dhe shitjen e produkteve, si dhe siguron porosi nga klientët aktualë dhe ata të rinj.
• Prezanton dhe demonstron produktet para klientëve ekzistues dhe potencialë, duke i udhëzuar në zgjedhjen e zgjidhjeve më të përshtatshme sipas nevojave të tyre.

Detyrat kryesore

• Ndërton, zhvillon dhe ruan marrëdhënie biznesi me klientët aktualë dhe me ata të mundshëm.
• Realizon vizita në terren, thirrje telefonike dhe prezantime për klientët ekzistues dhe potencialë.
• Kërkon mundësi të reja për zgjerimin e bazës së klientëve dhe mbledh të dhëna për të vlerësuar potencialin e tyre.
• Zbulon avantazhet konkurruese dhe bën krahasimin e produkteve dhe shërbimeve të kompanisë me ofertat e tregut.
• Mban veten vazhdimisht të përditësuar për nevojat e tregut, mënyrën e përdorimit të produkteve, shërbimet teknike, aktivitetet e konkurrencës, reklamat dhe prirjet promovuese.

Paga Mujore

Konkurruese dhe e lidhur me realizimin e objektivave të shitjes.

Orari i Punës

4 orë në ditë, pra me gjysmë orari, nga e Hëna deri të Premten.

Kualifikimet dhe aftësitë e kërkuara

• Përvoja në fushën e shitjes konsiderohet përparësi.
• Preferohet moshë nën 30 vjeç.
• Duhet të jetë i orientuar drejt rezultateve dhe i aftë të punojë si në mënyrë të pavarur, ashtu edhe në ekip.
• Kërkohen aftësi shumë të mira komunikimi, si me gojë ashtu edhe me shkrim.
• Nevojitet njohje e përdorimit të Microsoft Office.
• Kërkohet patentë shoferi e vlefshme.

Vetëm kandidatët që përzgjidhen pas fazës fillestare do të kontaktohen.