Përshkrimi

Aluflor sh.p.k., një kompani udhëheqëse në projektim, prodhim dhe montim të fasadave, dyerve, dritareve dhe sistemeve të aluminit, po kërkon një Shef/e Finance që do të drejtojë menaxhimin financiar, raportimin dhe kontrollin e proceseve financiare të kompanisë.

Ne Ofrojmë:

Pagë konkurruese së bashku me paketë motivuese.

• Mundësi për avancim profesional dhe zhvillim në karrierë.
• Ambient pune profesional dhe dinamik.
• Angazhim në projekte prestigjioze me ndikim në treg.

Detyrat

Detyrat dhe Përgjegjësitë Kryesore:

• Drejtimi dhe mbikëqyrja e të gjitha proceseve financiare dhe kontabël të kompanisë.
• Hartimi si edhe ndjekja e buxheteve, parashikimeve financiare dhe planeve të cash-flow.
• Përpilimi i raporteve financiare periodike për menaxhmentin e kompanisë.
• Vlerësimi i performancës financiare dhe evidentimi i mundësive për optimizim të kostove.
• Mbikëqyrja e arkëtimeve, pagesave, detyrimeve dhe likuiditetit të kompanisë.
• Koordinimi i proceseve të auditimit dhe bashkëpunimi me auditorët e jashtëm.
• Garantimi i zbatimit të legjislacionit fiskal dhe standardeve financiare në fuqi.
• Ofrimi i mbështetjes për departamentet e tjera në analizat financiare të projekteve dhe investimeve.
• Udhëheqja dhe zhvillimi profesional i ekipit financiar.

Kualifikimet

Kualifikimet dhe Kërkesat:

• Diplomë universitare në Financë, Kontabilitet, Ekonomi ose në fusha të përafërta.
• Të paktën 5 vite përvojë në role financiare, me përparësi në kompani ndërtimi, prodhimi ose projekte.
• Njohuri të avancuara në raportim financiar, planifikim buxhetor dhe analizë financiare.
• Njohuri mbi legjislacionin fiskal dhe kontabël në Shqipëri.
• Aftësi të theksuara analitike, organizative dhe menaxheriale.
• Përdorim shumë i mirë i paketës Microsoft Office, veçanërisht Excel.
• Njohja e gjuhës angleze konsiderohet përparësi.