Përshkrimi

Aluflor ofron një program internshipi për pozitën Inxhinier/e Ndërtimi ose Arkitekt/e në Departamentin Teknik. Kompania merret me realizimin e fasadave me teknologji të avancuar, si edhe të dritareve dhe dyerve, duke përdorur sisteme profilesh alumini, pajisje përpunimi, aksesorë dhe ekspertizë teknike me standard të lartë cilësie. Në industrinë e ndërtimit, Aluflor është dalluar për vendosjen e standardeve të larta teknologjike, ndërsa vlera funksionale e markës mbështetet në ofrimin e zgjidhjeve teknike sa më efikase.

Detyrat

Kandidati/ja duhet të respektojë këto parime pune:

• Të tregojë angazhim të lartë gjatë gjithë orarit të punës.
• Të komunikojë mirë me kolegët dhe të jetë i/e gatshëm/me të ndihmojë sa herë që paraqiten nevojat e kompanisë.
• Të shquhet për ndershmëri, integritet dhe korrektësi në punë.
• Të ketë shkathtësi organizative e krijuese dhe të kontribuojë me ide të reja.
• Të punojë në përputhje me objektivat dhe synimet e kompanisë.
• Të mbajë konfidencialitet në raport me informacionet e punës.

Kualifikimet

Arsimi, kualifikimet dhe përvoja e kërkuar:

• Të ketë përfunduar studimet e larta në Inxhinieri Ndërtimi ose Arkitekturë.
• Të zotërojë shumë mirë gjuhën angleze.
• Të ketë njohuri shumë të mira në paketën Microsoft Office, Autocad, Tekla dhe programe të ngjashme.
• Të ketë aftësi shumë të mira komunikimi.
• Të posedojë njohuri mbi fushën profesionale.
• Të jetë i/e aftë të punojë në grup.