Përshkrimi

ALKOS GROUP ALBANIA është distributori ekskluziv i disa markave të njohura ndërkombëtare në segmentin e artikujve shtëpiakë dhe të konsumit, si edhe në kozmetikë dhe kujdes personal. Kompania, me zyrat qendrore në Autostradën Tiranë – Durrës, km 12, po zgjeron ekipin për rolin e Shofer / Furnitor.

• Departamenti: Logjistika
• Vendndodhja: Tiranë
• Kontrata: Në përputhje me Kodin e Punës
• Koha javore e punës: E Hënë - E Premte

Detyrat

• Përgatit porositë brenda magazinës.
• Kryen ngarkimin e porosive në automjetin e shpërndarjes.
• Siguron që mallrat e porositura nga klientët të dorëzohen në destinacion brenda afatit.
• Bën shpërndarjen e produkteve dhe mallrave nga magazina qendrore drejt klientëve.
• Mban përgjegjësi për inventarin e mallit të marrë në dorëzim nga magazina, si edhe për dëmtimet që mund të ndodhin gjatë transportit.
• Përgjigjet për masat administrative shtetërore që lidhen me shkeljet e Kodit Rrugor.
• Kujdeset për pastërtinë e mjetit dhe për mirëmbajtjen e tij, si edhe të të gjitha aseteve që përdor në punë.
• Siguron mirëmbajtjen teknike të mjetit.

Kualifikimet

• Kërkohet arsim i mesëm.
• Nevojitet përvojë pune si shofer; përvoja në distribucion konsiderohet përparësi.
• Kandidati duhet të zotërojë patentë të klasit B.
• Kërkohen aftësi shumë të mira komunikimi.
• Duhet të jetë i gatshëm për fleksibilitet në orarin e punës.
• Preferohet që vendbanimi të jetë në Tiranë ose Vorë.