WELL SH.P.K., për rrjetin e saj të drugstore-ve dhe në kuadër të zgjerimit të aktivitetit në qytetin e Fierit, kërkon të punësojë një Manaxher Turni.

Qëllimi kryesor i rolit: Menaxheri i turnit mban përgjegjësi për administrimin e përditshëm të dyqanit dhe për funksionimin e tij sipas standardeve të përcaktuara nga kompania.

Detyrat

• Drejton dhe inkurajon stafin, duke siguruar respektimin e disiplinës në vendin e punës.
• Punon për rritjen maksimale të produktivitetit të dyqanit, mban fokus tregtar dhe ndërmerr masa për të arritur nivelin më të lartë të fitueshmërisë.
• Ndikon në përmirësimin e performancës dhe zhvillimit të dyqanit përmes zbatimit shumë të mirë operacional dhe komercial.
• Siguron vendosjen dhe ruajtjen e standardeve të larta për pamjen e dyqanit dhe tregtimin vizual, në përputhje me kërkesat e kompanisë.
• Ka si objektiv realizimin e treguesve të performancës të përcaktuar.
• Mbledh, përzgjedh dhe përcjell porositë ditore.
• Kontribuon në zgjerimin e bazës së klientëve përmes ideve të reja dhe rritjes së njohjes së brand-it të kompanisë.
• Mbikëqyr mirëmbajtjen e produkteve dhe organizimin e tyre korrekt.
• Sistemon mallrat në rafte ose në hapësirat e dedikuara.
• Kujdeset që secili artikull i ekspozuar të ketë çmimin përkatës.
• Verifikon ekspozimin për plotësimin e stokut dhe angazhohet në sistemimin e tij sipas rregullave të kërkuara.
• Kontrollon produktet në rafte për afatet e skadencës dhe i raporton rastet përkatëse te përgjegjësi ose menaxheri.
• Evidenton, kontrollon dhe vendos përkthimet në shqip për produktet që nuk i kanë ato.
• Ndihmon klientët gjatë procesit të blerjes për çdo nevojë që mund të kenë.
• Raporton mbi ecurinë e punës.

Kualifikimet

• Arsim i lartë, me preferencë në profilin Ekonomik/Finance.
• Të paktën 1 vit eksperiencë pune në një rol të ngjashëm.
• Njohuri shumë të mira të paketës Office, veçanërisht Word dhe Excel.
• Qasje metodike dhe aftësi të mira organizative.
• Ndershmëri dhe integritet në punë.
• Gatishmëri për të punuar me 2 turne.

Ne ofrojmë

• Pagë motivuese.
• Mjedis pune miqësor dhe dinamik.
• Kontratë të rregullt pune.
• 40 orë pune në javë.
• Vlerësim në bazë të performancës.
• Leje vjetore.