WELL SH.P.K. po zgjeron aktivitetin e rrjetit të saj drugstore në qytetin e Tiranës dhe kërkon të angazhojë një Menaxher Dyqani (F/M).

Kjo pozitë ka në fokus drejtimin e përditshëm të dyqanit dhe garantimin e funksionimit të tij sipas standardeve të përcaktuara nga kompania.

Detyrat

• Drejton dhe motivon ekipin, duke siguruar respektim të rregullt të disiplinës në vendin e punës.
• Punon për rritjen maksimale të produktivitetit të dyqanit, me orientim tregtar dhe masa konkrete për të arritur nivel sa më të lartë përfitueshmërie.
• Ndjek zhvillimin e performancës dhe rritjen e biznesit përmes zbatimit shumë të mirë të proceseve operacionale dhe komerciale.
• Siguron vendosjen dhe ruajtjen e standardeve të larta për paraqitjen e dyqanit dhe tregtimin vizual, në përputhje me kërkesat e kompanisë.
• Menaxhon dhe mbikëqyr nivelin e stokut.
• Ka përgjegjësi për inventarin.
• Organizon grumbullimin, përzgjedhjen dhe dërgimin e porosive ditore.
• Kontribuon në zgjerimin e bazës së klientëve përmes ideve të reja dhe rritjes së njohjes së brand-it të kompanisë.
• Raporton rregullisht mbi progresin e punës.

Kualifikimet

• Diplomë Universitare në Biznes, Ekonomik, Marketing, Financë.
• Përvojë e mëparshme në role të ngjashme prej të paktën 2 vjecare; përvoja në Retail përbën avantazh.
• I/e orientuar drejt shitjeve dhe realizimit të objektivave.
• Njohuri shumë të mira të gjuhës Angleze, si në komunikimin verbal ashtu edhe në atë me shkrim.
• Aftësi të avancuara në përdorimin e paketës MS Office.
• Shkathtësi shumë të mira në udhëheqje, organizim dhe menaxhim.
• Aftësi për ndërveprim në biznes dhe shitje.