Agna Kosovë, pjesë e Agna Group, po kërkon kandidatë energjikë dhe të vendosur, që i shohin sfidat si mundësi, janë të gatshëm të përballen çdo ditë me dinamikën e tregut dhe kanë pasion për shitjen dhe punën në terren, për pozitën e agjentit të shitjes në Departamentin e shitjes për regjionin e Gjilanit.

Detyrat kryesore:

• Ndërton, zhvillon dhe ruan raporte pozitive me klientët.
• Arrin objektivat e vendosura të shitjes.
• Përfaqëson brandet dhe imazhin e kompanisë në treg.
• Identifikon sfidat ose mundësitë në treg dhe propozon zgjidhje kreative.
• Ndjek aktivitetin e konkurrentëve dhe raporton sipas standardeve të kompanisë.
• Mbështet dhe promovon shitjen e produkteve të reja.
• Kontribuon me entuziazëm në çdo aktivitet të organizuar nga kompania.
• Përditëson vazhdimisht njohuritë dhe angazhohet në zhvillim profesional.

Aftësitë dhe kualifikimet:

• Të ketë të përfunduar arsimin e lartë.
• Të tregojë gatishmëri të lartë për shërbim ndaj klientit.
• Të posedojë aftësi shumë të mira komunikimi.
• Të ketë shkathtësi shumë të mira ndërpersonale.
• Të jetë me vetëbesim dhe me motivim të lartë.
• Të karakterizohet nga këmbëngulja dhe orientimi drejt objektivave.
• Të ketë njohuri të mira të gjuhës angleze.
• Të zotërojë mirë paketën Microsoft Office.
• Të posedojë leje drejtimi automjeti.