Përshkrimi

Agikons Sh.P.K është një kompani e njohur në sektorin e ndërtimit dhe të zhvillimit të pasurive të paluajtshme, e themeluar në vitin 1996, e vlerësuar për cilësinë dhe standardin e lartë të realizimeve të saj.

Gjatë aktivitetit të saj, Agikons ka zhvilluar një sërë projektesh të suksesshme, ndër të cilat përfshihen “Kodra e Diellit 1&2” në Tiranë, “Marea Resort” në Kavajë, “Tarraca e Ullinjve” në Dhërmi, “Plazhi I Ngurtë” në Qeparo, “Bougainville Bay” në Sarandë, “Mështekna” në Brezovicë, “Turquoise Marina” në Hamallaj, Gjiri I Lalëzit dhe “Swan Residence” në Farkë.

Met – Engineering bën pjesë në grupin AGIKONS dhe aktualisht kërkon të zgjerojë ekipin me një Punëtor Mirëmbajtës/ Bojaxhi.

Detyrat

• Të realizojë ndërhyrje riparimi dhe mirëmbajtjeje në godinë, përfshirë bojatisje, suvatime, punime murature dhe zëvendësime të ndryshme.
• Të dallojë problematikat që lidhen me infrastrukturën dhe të ndërmarrë zgjidhjen e tyre.
• Të njoftojë përgjegjësin e mirëmbajtjes për problematikat e evidentuara.
• Të respektojë rregullat dhe procedurat e sigurisë gjatë kryerjes së punës.
• Të mbajë në gjendje të mirë pajisjet dhe veglat që përdoren për punë.
• Të koordinohet me sektorët e tjerë për të siguruar funksionimin e rregullt të ambienteve.

Kualifikimet

• Të ketë njohuri teknike në bojatisje, muraturë dhe punime të përgjithshme ndërtimi.
• Të tregojë aftësi për zgjidhjen e situatave praktike.
• Të ketë eksperiencë në përdorimin e mjeteve të punës.
• Të punojë me vëmendje ndaj detajeve dhe me fokus te siguria.
• Të karakterizohet nga përgjegjshmëri dhe aftësi organizative.
• Të jetë i aftë të punojë si në mënyrë të pavarur, ashtu edhe në grup.
• Të ketë fleksibilitet në orar.

Përfitimet

• Ofrohet pagë konkurruese dhe mundësi për zhvillim profesional.
• Mjedisi i punës është miqësor dhe mbështetës.
• Pozita ofron mundësi për të ndikuar në krijimin e një eksperience pozitive për klientët, si edhe për të ecur përpara drejt roleve menaxheriale brenda kompanisë.