Përshkrimi

Agikons sh.p.k vepron në fushën e ndërtimit prej 30 vitesh dhe njihet ndërkombëtarisht për standardin e lartë të punimeve. Kompania e konsideron stafin si vlerën e saj kryesore dhe synon të ofrojë një mjedis mikpritës, ku secili punonjës të ndihet i vlerësuar për kontributin, punën dhe përvojën e tij. Në Agikons sh.p.k, mundësitë për zhvillim në detyrë dhe vlerësim bazohen te rezultatet në punë.

Për kandidatët që kërkojnë një vend pune të qëndrueshëm, me mundësi avancimi në karrierë dhe përmirësim të shpërblimit pas çdo ngritjeje, kjo kompani paraqitet si një alternativë e favorshme.

Përshkrim i përgjithshëm: Menaxheri i Projektit merr përgjegjësinë për drejtimin e projektit në të gjitha përmasat teknike, financiare dhe administrative, në përputhje me afatet dhe procedurat e përcaktuara nga kompania.

Detyrat

• Organizon, zbaton dhe përmbyll projektin brenda afateve kohore dhe buxhetit të miratuar, sipas Projekt-Preventivit.
• Siguron marrjen dhe disponueshmërinë e informacionit teknik dhe financiar, si brenda kompanisë ashtu edhe jashtë saj, për nevojat e realizimit të projektit.
• Përkthen objektivat e projektit në plan pune dhe mbikëqyr zbatimin e tyre në përputhje me buxhetin dhe standardet e cilësisë.
• Përgatit dhe vë në zbatim strategji efektive për uljen e kostove.
• Organizon fushata të rregullta prokurimi në funksion të projektit dhe kërkesave të kompanisë, për produktet e nevojshme për realizimin e tij dhe sipas kontratës së nënshkruar.
• Ndjek dhe përmbyll marrëveshjet me furnitorë të rinj ose ekzistues pas përfundimit të procesit të prokurimit.
• Siguron monitorim të kujdesshëm të kostove dhe komunikon me furnitorët për të mundësuar rakordimin me grupet e punës dhe materialet.
• Përfaqëson kompaninë përballë palëve të treta për çështjet që lidhen me projektin.
• Mbikëqyr vazhdimisht stafin në varësi dhe mban përgjegjësi për performancën e tyre.
• Analizon në mënyrë të pandërprerë ecurinë e projektit dhe ia raporton informacionin Administratorit dhe Investitorit të kompanisë.

Kualifikimet

• Të ketë përfunduar arsimin e lartë; përparësi kanë degët e inxhinierisë dhe ekonomisë.
• Të ketë jo më pak se 3 vjet përvojë pune si menaxher projekti në sektorin e ndërtimit.
• Të zotërojë aftësi shumë të mira në menaxhim, komunikim, organizim dhe planifikim.
• Të ketë njohuri shumë të mira në përdorimin e ''Paketën Office''.