Përshkrimi

Agikons sh.p.k vepron prej 30 vitesh në tregun e ndërtimit dhe njihet në nivel ndërkombëtar për standardin e lartë të punimeve. Kompania e konsideron ekipin si vlerën e saj kryesore dhe synon të ofrojë një mjedis pune të mirëpritës, ku secili vlerësohet për përkushtimin dhe përvojën që sjell. Në këtë kompani, punonjësit kanë mundësi të avancojnë në detyrë dhe të shpërblehen në bazë të rezultateve që arrijnë.

Nëse kërkoni një vend pune të qëndrueshëm, me mundësi zhvillimi profesional dhe përmirësim të të ardhurave në përputhje me rritjen në karrierë, kjo pozitë paraqet një mundësi të favorshme.

Detyrat

• Të sigurojë që të gjitha porositë e klientëve, të pranuara për zbatim ose për ofertim, të trajtohen brenda afateve dhe sipas rregullave të kompanisë, duke ruajtur kohën dhe cilësinë e kërkuar.
• Të organizojë, ndjekë dhe garantojë realizimin e punimeve në afatin, koston dhe cilësinë e përcaktuar në projekt dhe preventiv.
• Të planifikojë dhe të verifikojë që zyra e prokurimeve të zhvillojë procedurat e nevojshme në kohën e duhur, me kosto dhe cilësi sipas kërkesave të përcjella.
• Të miratojë porositë e materialeve që bëhen në mbështetje të projektit dhe preventivit përkatës.
• Të kryejë kontrolle të përzgjedhura për të verifikuar nivelin e cilësisë.
• Të mbledhë, përpunojë, interpretojë dhe shpërndajë në sektorët përkatës informacionin teknik dhe financiar në kohën e duhur.
• Të hartojë plane 3-mujore dhe 6-mujore me objektiva të qarta për rritjen e cilësisë, si edhe për shtimin dhe përmirësimin e procedurave.
• Të zbatojë qasje dhe vlerësime që ndihmojnë në uljen dhe kontrollin më të mirë të kostove.
• Të përfaqësojë kompaninë para palëve të treta për çështjet që lidhen me projektet që do të mbulojë.
• Të mbikëqyrë ekipin, të garantojë performancën e tij, si edhe të raportojë dhe të mbajë përgjegjësi për rezultatet e stafit.
• Të raportojë periodikisht përpara investitorit dhe CEO-s së kompanisë.
• Në bashkëpunim me sektorin e prokurimit, të përcjellë sa herë të jetë e nevojshme ose të paktën një herë në 6 muaj paketat e prokurimit, me qëllim zhvillimin e fushatave periodike sipas nevojave të kompanisë dhe projekteve të veçanta, si edhe kontrollin periodik të kushteve të tregut, cilësisë dhe çmimeve të materialeve të blera sipas kontratave ekzistuese.
• Pas përfundimit të fushatave të prokurimit, të finalizojë dhe të ndjekë lidhjen e kontratave ose rishikimin e kushteve me furnitorë të rinj apo ekzistues.

Kualifikimet

• Të ketë përfunduar Fakultetin e Inxhinierisë Mekanike, Ndërtimit, Hidros, Inxhinierisë Ekonomike ose fusha të tjera të inxhinierisë.
• Të ketë jo më pak se 5 vjet përvojë pune, me përparësi përvojën në sektorin e ndërtimit dhe/ose prodhimit.
• Të zotërojë mirë gjuhën Angleze.
• Të ketë njohuri shumë të mira mbi dokumentacionin teknik dhe tekniko-financiar.
• Të ketë aftësi menaxheriale në komunikim, në blerje dhe shitje, si edhe në hartimin dhe ndjekjen e zbatimit të kontratave.
• Të përdorë në mënyrë të mirë programet bazë të paketës Office dhe AUTOCAD.