Titulli i punës: Inxhinier/e Ndërtimi në zbatim

Përshkrimi:

AGIKONS Sh.p.k., një nga kompanitë lider në fushën e ndërtimit, e angazhuar për përsosmëri dhe cilësi të lartë, në kuadër të zhvillimit të saj fton individë të kualifikuar të bashkohen në departamentin Teknik në pozicionin Inxhinier/e Ndërtimi në zbatim. Inxhinieri i Ndërtimit do të duhet të ofrojë suportin teknik gjatë të gjithë fazave të ndërtimit, në përputhje me projektin, preventivin dhe specifikimet teknike, për të ruajtur standardet dhe lehtësuar çertifikimin e punimeve deri në fazën e dorëzimit të objektit.

Detyrat:

• Garanton ekzistencën dhe marrjen e të gjithë informacionit të nevojshëm për zbatimin e projektit sipas kontratave të sipërmarrjes.
• Shqyrton dhe interpreton vizatimet dhe specifikimet e projektit për të siguruar ekzekutimin teknik të punës.
• Bashkëpunon me Ekipin për përgatitjen e dokumentacionit Tekniko–Ligjor & Tekniko–Financiar të objektit deri në dorëzimin përfundimtar të tij.
• Kryen një numër të madh të detyrave inxhinierike në terren që përfshijnë monitorimin, vlerësimin teknik të punës në progres dhe zgjidhjen e çështjeve të konstruksionit në terren.
• Siguron që të gjitha punët brenda fushëveprimit të përgjegjësisë së tij, të instalohen në përputhje me standardet e cilësisë.
• Kryen testime dhe inspektime të herë pas hershme brënda procedurave të miratuara.
• Siguron që personeli i grupit të caktuar të angazhohet në praktika të sigurta pune në përputhje me procedurat e sigurisë specifike të vendit dhe standardet e industrisë.
• Monitoron oraret e ndërtimit dhe ndihmon në vlerësimin e progresit.
• Mirëmban një regjistër të përditshëm për regjistrimin e fazave të ndërtimit, si dhe të dhëna inxhinierike për raportet e projektit.
• Harton preventiva, situacione mujore, libreza masash, kohëshënues etj.
• Ofron zgjidhje për problemet e inxhinierisë teknike dhe koordinon zbatimin e zgjidhjeve.
• Raporton tek Kryeinxhinieri.

Kualifikimet:

• Diplomë në Fakultetin e Inxhinierisë së Ndërtimit.
• Të ketë eksperiencë të mëparshme pune minimalisht 3 vite.
• Të zotërojë mirë programin AUTOCAD, e si dhe të ketë njohuri të Paketës Office.
• Të ketë aftësi shumë të mira komunikuese dhe manaxheriale.
• Të ketë njohuri shumë të mira në leximin dhe zbatimin e projekteve.

Dokumentet e kërkuara:

• CV

Shënime:

Të gjitha aplikimet do të trajtohen me konfidencialitet të plotë sipas ligjit Nr. 9887, date 10.03.2008 i ndryshuar, vendosur nga Kuvendi i Shqipërisë për "Mbrojtjen e të Dhënave Personale".

Departamenti i Burimeve Njerëzore.
Agikons Sh.P.K.