Përshkrimi

AGIKONS Sh.p.k., një prej kompanive kryesore në sektorin e ndërtimit, e fokusuar te cilësia e lartë dhe standardet e larta profesionale, në kuadër të zgjerimit të veprimtarisë së saj kërkon të përfshijë në Departamentin Teknik një Inxhinier/e Ndërtimi ne zbatim.

Ky rol kërkon ofrimin e mbështetjes teknike përgjatë të gjitha etapave të ndërtimit, duke respektuar projektin, preventivin dhe specifikimet teknike, me qëllim ruajtjen e standardeve dhe lehtësimin e certifikimit të punimeve deri në dorëzimin përfundimtar të objektit.

Detyrat

• Siguron që të jetë i disponueshëm dhe i aksesueshëm i gjithë informacioni i nevojshëm për zbatimin e projektit sipas kontratave të sipërmarrjes.
• Analizon dhe interpreton vizatimet si edhe specifikimet e projektit për të garantuar realizimin teknik të punimeve.
• Punon ngushtë me ekipin për hartimin e dokumentacionit Tekniko–Ligjor dhe Tekniko–Financiar të objektit deri në dorëzimin final.
• Kryen një gamë të gjerë detyrash inxhinierike në terren, duke përfshirë mbikëqyrjen, vlerësimin teknik të ecurisë së punimeve dhe adresimin e problematikave të konstruksionit në kantier.
• Verifikon që të gjitha punimet që hyjnë në përgjegjësinë e tij të realizohen në përputhje me standardet e cilësisë.
• Zbaton testime dhe inspektime periodike sipas procedurave të miratuara.
• Kujdeset që stafi i grupit të caktuar të ndjekë praktika të sigurta pune, në përputhje me procedurat e sigurisë së vendit të punës dhe standardet e industrisë.
• Ndjek afatet e ndërtimit dhe kontribuon në vlerësimin e progresit të punimeve.
• Mban regjistër ditor për evidentimin e fazave të ndërtimit dhe për të dhënat inxhinierike që nevojiten në raportet e projektit.
• Përgatit preventiva, situacione mujore, libreza masash, kohëshënues dhe dokumentacion të ngjashëm.
• Jep zgjidhje për çështjet e inxhinierisë teknike dhe bashkërendon zbatimin e tyre.
• Raporton drejtpërdrejt te Kryeinxhinieri.

Kualifikimet

• Diplomë nga Fakulteti i Inxhinierisë së Ndërtimit.
• Përvojë e mëparshme pune jo më pak se 3 vite.
• Njohuri të mira në programin AUTOCAD, si edhe përdorim i Paketës Office.
• Aftësi shumë të mira në komunikim dhe menaxhim.
• Njohuri shumë të mira në leximin dhe zbatimin e projekteve.