Përshkrimi

AGIKONS Sh.p.k., një prej kompanive kryesuese në sektorin e ndërtimit, e orientuar drejt cilësisë së lartë dhe standardeve të larta profesionale, po zgjeron ekipin e saj dhe kërkon të përfshijë në Departamentin Teknik pozicionin Inxhinier/e Ndërtimi në zbatim.

Ky rol kërkon ofrimin e mbështetjes teknike gjatë gjithë etapave të punimeve, në përputhje me projektin, preventivin dhe specifikimet teknike, me synim ruajtjen e standardeve dhe lehtësimin e certifikimit të punimeve deri në dorëzimin e objektit.

Detyrat

• Siguron që të jetë i disponueshëm dhe i aksesueshëm i gjithë informacioni i nevojshëm për realizimin e projektit sipas kontratave të sipërmarrjes.
• Analizon dhe interpreton vizatimet si dhe specifikimet e projektit për të garantuar zbatimin teknik korrekt të punimeve.
• Bashkëpunon me ekipin për hartimin e dokumentacionit Tekniko–Ligjor dhe Tekniko–Financiar të objektit deri në dorëzimin e tij përfundimtar.
• Kryen një gamë të gjerë detyrash inxhinierike në terren, duke përfshirë mbikëqyrjen, vlerësimin teknik të ecurisë së punimeve dhe zgjidhjen e çështjeve konstruktive në kantier.
• Verifikon që të gjitha punimet në kuadër të përgjegjësive të tij të realizohen sipas standardeve të cilësisë.
• Zbaton testime dhe inspektime periodike në përputhje me procedurat e miratuara.
• Kujdeset që personeli i grupit të ngarkuar të zbatojë praktika të sigurta pune, në përputhje me procedurat e sigurisë së vendit të punës dhe standardet e industrisë.
• Ndjek afatet e ndërtimit dhe kontribuon në vlerësimin e progresit të punimeve.
• Mban regjistër ditor për evidentimin e fazave të ndërtimit, si edhe të dhëna inxhinierike për raportimet e projektit.
• Përgatit preventiva, situacione mujore, libreza masash, kohëshënues dhe dokumente të ngjashme.
• Jep zgjidhje për problematikat e inxhinierisë teknike dhe koordinon zbatimin e tyre.
• Raporton te Kryeinxhinieri.

Kualifikimet

• Diplomë nga Fakulteti i Inxhinierisë së Ndërtimit.
• Përvojë e mëparshme pune prej të paktën 3 vite.
• Zotërim i mirë i programit AUTOCAD, si edhe njohuri të Paketës Office.
• Aftësi shumë të mira komunikimi dhe menaxhimi.
• Njohuri shumë të mira në leximin dhe zbatimin e projekteve.