Përshkrimi

ATDG (Art and Tourism Development Group) është një kompani pioniere në nismat e turizmit të qëndrueshëm dhe zhvillimit në Shqipëri dhe Kosovë. Kompania ka themeluar dhe menaxhon destinacione të veçanta hoteliere dhe resorte premium, përfshirë Arka Art Hotel (Tiranë), Bougainville Bay Resort & SPA (Sarandë), Marea Resort (Qerret) dhe Mështekna (Brezovicë). Në kuadër të zgjerimit të ekipit, ATDG po kërkon të punësojë një financiere në Tiranë.

Detyrat

• Mbajtja e evidencave të MA/MP për Arka Art Hotel, Lobby Bar dhe Marea Resort në Excel dhe Alpha Web, duke kryer edhe kontabilizimin dhe rakordimet përkatëse.
• Kryerja e kontrollit dhe rakordimit të përditshëm të arkës, shitjeve fiskale, likuidimeve dhe dokumentacionit mbështetës.
• Kontrollimi i urdhrave të shitjes dhe kthimi i tyre në fatura në Alpha Web.
• Regjistrimi kontabël i faturave të shitjes dhe të blerjes, pasi të jenë verifikuar çmimet dhe të jenë zbatuar zbritjet e miratuara.
• Rakordimi i klientëve, shqyrtimi i kartelave dhe realizimi i mbylljes mujore për Lobby Bar, Marea Resort dhe Arka Hotel.
• Hartimi i raporteve javore dhe njoftimi i eprorëve për problematikat financiare të evidentuara.
• Pjesëmarrja në inventarizimet fizike, identifikimi i diferencave dhe pasqyrimi i tyre në sistem.
• Bashkëpunimi me ekipin e financës dhe përmbushja e detyrave të deleguara nga eprorët.

Kualifikimet

• Diplomë universitare në Financë-Kontabilitet.
• Njohuri të mira në programin Alpha.
• Përpikëri, produktivitet dhe aftësi për të respektuar afatet.
• Shkathtësi shumë të mira në komunikim dhe në punën në ekip.
• Aftësi për të punuar nën presion duke ruajtur etikën profesionale.
• Njohuri shumë të mira të gjuhës angleze.