Titulli i punës: Specialist i Rezervimeve

Përshkrimi:

• Qëllimi i Pozicionit: Të menaxhojë në mënyrë të saktë, të shpejtë dhe profesionale kërkesat dhe rezervimet e klientëve, duke garantuar një eksperiencë të shkëlqyer komunikimi dhe duke kontribuar në rritjen e shitjeve direkte dhe kënaqësisë së klientit.

Detyrat:

• Menaxhon kërkesat e klientëve në gjuhën angleze dhe italiane përmes email-it, telefonit dhe rrjeteve sociale, duke ofruar përgjigje të shpejta dhe profesionale.
• Krijon dhe dërgon oferta të personalizuara bazuar në nevojat e klientit dhe disponueshmërinë e strukturës.
• Regjistron dhe përditëson rezervimet në sistem (PMS/CRM) në kohë reale, duke garantuar saktësi të plotë të të dhënave.
• Ndjek konvertimin e kërkesave në rezervime, duke aplikuar teknika bazë shitjeje dhe cross-selling (akomodim + shërbime shtesë).
• Koordinon me departamentet e tjera (Front Office, Housekeeping, Marketing) për të siguruar një përvojë të unifikuar për klientin.
• Monitoron dhe ndjek kërkesat online (Facebook, Instagram, email, OTA), duke ruajtur standard të lartë komunikimi.
• Menaxhon komunikimin pas rezervimit, duke dërguar konfirmime, informacione shtesë dhe mesazhe mirëseardhjeje.
• Mbështet mirëmbajtjen e reputacionit online, duke asistuar në përgjigjet ndaj komenteve në platforma si Google dhe TripAdvisor.
• Zbaton procedurat dhe standardet e kompanisë për menaxhimin e rezervimeve dhe komunikimit me klientin.
• Plotësim ditor i raportit të konkurrencës, raportit të lead konversin dhe rezervimeve ditore të konfirmuara.

Kualifikimet:

• Diplomë universitare në Turizëm, Menaxhim, Marketing ose fusha të ngjashme;
• Eksperiencë pune në rezervime, shitje ose front office (minimumi 1 vit);
• Njohje shumë e mirë e gjuhës angleze dhe italiane (rekomandim), në komunikim verbal dhe të shkruar;
• Aftësi shumë të mira komunikimi dhe orientim ndaj klientit;
• Njohuri bazë në përdorimin e sistemeve të rezervimeve (PMS/CRM) dhe kanaleve OTA;
• Njohuri të mira të paketës Microsoft Office (Word, Excel);
• Aftësi organizative dhe vëmendje ndaj detajeve;
• Aftësi për të punuar nën presion dhe me volum të lartë kërkesash.

Shënime:

• Pagesë konkuruese
• Transport

Të gjitha aplikimet do të trajtohen me konfidencialitet të plotë sipas ligjit Nr. 9887, datë 10.03.2008 i ndryshuar, vendosur nga Kuvendi i Republikës së Shqipërisë për "Mbrojtjen e të Dhënave Personale".